ఎన్టీఆర్ మూడు పాత్ర‌ల్లో న‌టిస్తున్న చిత్రం ‘జై ల‌వ‌కుశ‌’. మూడు పాత్ర‌లూ.. మూడు డిఫ‌రెంట్ గెట‌ప్పుల్లో, బాడీ లాంగ్వేజీల‌తో క‌నిపించ‌నున్నాయి. ఇప్ప‌టికే ‘జై’కి సంబంధించిన టీజ‌ర్ వ‌చ్చేసింది. న‌..న‌…న‌త్తి డైలాగుతో ఎన్టీఆర్ అద‌ర‌గొట్టేశాడు. ఈ సినిమా మొత్తం ‘జై’ పాత్ర త‌న భుజాల మీదే న‌డిపించేస్తుంద‌న్న విష‌యం క్లారిటీగా అర్థ‌మైపోతోంది. అయితే ఈ పాత్ర‌కు సంబంధించిన ఓ ఇంట్ర‌స్ట్రింగ్ అప్ డేట్ ఒక‌టి తెలిసింది. ఈ సినిమాలో జై విల‌న్ పాత్ర‌ధారి అన్న సంగ‌తి తెలిసిందే. ఆ పాత్ర‌ని చివ‌ర్లో చంపేస్తార్ట‌. చంపేది ఎవ‌రో కాదు.. ల‌వ‌, కుశ‌లే. అన్న‌య్య అరాచ‌కాన్ని భ‌రించ‌లేని ఈ సోద‌రులిద్ద‌రూ ‘జై’ని మ‌ట్టుపెడ‌తార‌ని అదే ఈ సినిమాకి క్లైమాక్స్ అని తెలుస్తోంది.

ఎన్టీఆర్ చ‌నిపోవ‌డం ఓ విధంగా యాంటీ క్లైమాక్సే. కాక‌పోతే… ఈ సినిమాలో విల‌న్ కూడా ఎన్టీఆర్ కాబ‌ట్టి.. క‌మ‌ర్షియ‌ల్ సూత్రాల‌కు అనుగుణంగానే ఆ పాత్ర‌ని ముగిస్తున్నార‌ని చెప్పొచ్చు. జై పాత్ర విల‌నే అయినా.. ఈ సినిమాలో ఆ క్యారెక్ట‌రే హైలెట్ అని తెలుస్తోంది. అలాంటి క్యారెక్ట‌ర్‌ని ఇలా ముగించ‌డం క‌రెక్టో కాదో, ఎన్టీఆర్ ఫ్యాన్స్ ఎలా రిసీవ్ చేసుకొంటారో చూడాలి.