క్రికెట్ కెప్టెన్ , హీరోయిన్ కపుల్ “విరుష్క” తల్లిదండ్రులు కాబోతున్నారు. వచ్చే జనవరిలోనే.. తమ కుటుంబంలోకి మూడో వ్యక్తి రాబోతున్నారని వారు విరాట్ కోహ్లీ అధికారికంగా సోషల్ మీడియాలో ప్రకటించారు. ఈ మేరకు బేబీబంప్‌తో ఉన్న అనుష్క ఫోటోను కూడా.. కోహ్లీ షేర్ చేశారు. కొంత కాలం పాటు డేటింగ్ చేసి… 2017 డిసెంబర్ 11న కోహ్లీ, అనుష్కలు పెళ్లి చేసుకున్నారు. ఇద్దరూ తమ తమ కెరీర్‌లో క్షణం తీరిక లేకుండా ఉండేవారు. ఎప్పుడైనా అవకాశం దొరికితే విహారయాత్రల్లోనే ఉండేవారు. సోషల్ మీడియాలో చురుగ్గా ఉండే కోహ్లీ వివరాలను ఎప్పటికప్పుడు…వెల్లడిస్తూనే ఉండేవారు.

మూడు ఫార్మట్లలోనూ స్టార్ ప్లేయర్‌ కమ్ కెప్టెన్‌గా ఉన్న కోహ్లీకి… వ్యక్తిగత జీవితం తక్కువే. స్టార్ హీరోయిన్‌గా ఉన్న అనుష్క పరిస్థితి కూడా అంతే. అయితే.. వారికి.. లాక్ డౌన్ కలిసి వచ్చింది. కరోనా కాలంలో… ఆటలు.. సినిమాలు.. షూటింగ్‌లు ఎక్కడివక్కడ బంద్ కావడంతో… ఇళ్లకే పరిమితమయ్యారు. ఈ సమయంలో… తమ వ్యక్తిగత జీవితంలో మరో గోల్ సాధించడానికి విరుష్క జంట ఉపయోగించుకున్నట్లుగా కనిపిస్తోంది. కోహ్లీ.. గుడ్ న్యూస్‌ను సోషల్ మీడియాలో షేర్ చేయగానే.. వచ్చిన కామెంట్లలో ఎక్కువ.. క్రెడిట్.. పానడమిక్‌కే ఇవ్వాలని సూచించినవే.

ప్రస్తుతం విరాట్ కోహ్లీ… ఐపీఎల్ కోసం.. దుబాయ్‌లో ఉన్నారు. అక్కడకు కుటుంబసభ్యులెవరినీ అనుమతించడం లేదు. కనీసం… నాలుగైదు నెలల పాటు… దుబాయ్‌లోనే ఉండాల్సి ఉంటుంది. ఐపీఎల్ నుంచి కోహ్లీ ఇండియాకు తిరిగి వచ్చే సరికి.. వారసుడో.. వారసురాలో.. భూమి మీదకు రావడానికి సిద్ధంగా ఉంటారన్నమాట.