లేడీ ఓరియెంటెడ్ క‌థ‌ల‌కు కేరాఫ్ అడ్ర‌స్ గా నిలిచింది అనుష్క‌. రుద్ర‌మ‌దేవి, సైజ్ జీరో చిత్రాలు నిరాశ ప‌రిచినా అనుష్క కెరీర్‌కీ, ఆమెపై ద‌ర్శ‌క నిర్మాత‌లు పెంచుకొన్న న‌మ్మ‌కానికి ఎలాంటి ఢోకా లేకుండా పోయింది. ఇప్పుడు అనుష్క తో భాగ్‌మ‌తి చిత్రాన్ని యువీ క్రియేష‌న్స్ సంస్థ అత్యంత ప్ర‌తిష్టాత్మ‌కంగా తెర‌కెక్కిస్తోంది. పిల్ల‌జ‌మిందార్ ద‌ర్శ‌కుడు అశోక్ జి టేక‌ప్ చేస్తున్న ఈ సినిమా ఈవారంలోనే సెట్స్‌పైకి వెళ్ల‌బోతోంది. భాగ్‌మతి అనే పేరు వింటే ఇదేదో చారిత్ర‌క నేప‌థ్యం ఉన్న సినిమా అనుకోవొచ్చు. కానీ అదేం కాద‌ట‌. ఇది సోష‌ల్ డ్రామానే అని తెలుస్తోంది. అయితే స‌స్పెన్స్‌, థ్రిల్లింగ్ ఎలిమెంట్స్ పుష్క‌లంగా ఉంటాయ‌ని టాక్‌. లేటెస్ట్ బ‌జ్ ఏంటంటే.. ఈ సినిమాలో అనుష్క పోలీస్ గెట‌ప్ వేయ‌బోతోంద‌ట‌. ఇన్నేళ్ల కెరీర్‌లో పోలీస్ పాత్ర‌లో క‌నిపించ‌డం ఇదే తొలిసారి. అనుష్క హైట్‌.. ప‌ర్స‌నాలిటీ పోలీస్ పాత్ర‌కు బాగానే సూట‌వుతుంది. పోలీస్ పాత్ర‌న్న‌ది నిజ‌మైతే.. ఈ సినిమా మ‌రింత క్రేజ్ సంపాదించ‌డం ఖాయం. ఈయేడాది చివ‌రి నాటికి ఈ చిత్రాన్ని పూర్తి చేసి 2017 ప్ర‌ధ‌మార్థంలో భాగ్‌మ‌తిని విడుద‌ల చేయాల‌ని చిత్ర‌బృందం భావిస్తోంది.