బాహుబలి, రుద్రమదేవి సినిమాల తర్వాత అనుష్క లీడ్ రోల్ చేసే మరో సినిమా తెర మీదకు వచ్చింది అదే ‘భాగమతి’. పిల్ల జమిందార్ డైరక్టర్ అశోక్ రాసుకున్న ఈ కథను అనుష్క చేత తెరకెక్కించాలని అప్పట్లో బాగా ప్రయత్నాలు చేశాడు. కాని కేవలం ఒక్క సినిమా అనుభవమున్న అశోక్ ని నమ్మి అనుష్క డేట్స్ ఇవ్వడానికి అంత ఇంట్రెస్ట్ చూపించలేదు. అరుంధతిగా అలరించిన అనుష్క రీసెంట్ గా రుద్రమదేవిగా కూడా ఆకట్టుకుంది.
భాగమతి కథ బాగున్నా దర్శకుడి మీద నమ్మకం లేకే అనుష్క ఆ సినిమా నుండి తప్పుకుంది. ప్రస్తుతం అశోక్ అంజలి లీడ్ రోల్ చేస్తున్న ‘చిత్రాంగధ’ సినిమా చేశాడు. దీని తర్వాత భాగమతి సినిమా చేద్దామనే ఊపులో ఉన్నాడు. భాగమతి కథ విని ఆ సినిమాను ప్రొడ్యూస్ చేయడానికి ముందుకు వచ్చారు యు.వి క్రియేషన్స్ నిర్మాణ సంస్థ వారు. అయితే అనుష్క ఇంకా భాగమతి సినిమా గురించి కన్ ఫ్యూజన్ లోనే ఉంది. అందుకే ప్రభాస్ చేత ఓ మాట చెప్పించి ఈ సినిమాను ఓకే చేసేలా చూస్తున్నారట యు.వి క్రియేషన్స్ అధినేతలు.
ఈ లెక్కన చూస్తే భాగమతి కూడా త్వరలో పట్టాలెక్కబోతున్నమాట. సో అనుష్క మరో చారిత్రక నేపథ్యం ఉన్న సినిమాలో నటిస్తుంది. సో భాగమతి కోసం బాహుబలి దిగి వచ్చి బ్రతిమాలాడాడని ఫిల్మ్ నగర్ టాక్. ఏది ఏమైతేనేం మరో అద్భుత సినిమాలో అనుష్కను చూడనున్నారు ఆమె అభిమానులు.
