చాలా కాలం త‌ర‌వాత అనుష్క మ‌ళ్లీ మేక‌ప్ వేసుకొంది. సెట్లోకి అడుగు పెట్టింది. అనుష్క క‌థానాయిక‌గా క్రిష్ ద‌ర్శ‌క‌త్వంలో ఓ చిత్రం రూపుదిద్దుకొంటోంది. రెండు రోజుల క్రిత‌మే ఈ సినిమా షూటింగ్ మొద‌లైంది. హైద‌రాబాద్ లో తీర్చిదిద్దిన ఓ సెట్లో షూటింగ్ జ‌రుగుతోంది. అనుష్క‌పై కీల‌క స‌న్నివేశాలు తెర‌కెక్కిస్తున్నారు. ‘వేదం’ త‌ర‌వాత అనుష్క‌, క్రిష్ కాంబోలో రూపుదిద్దుకొంటున్న సినిమా ఇది. ఉత్త‌రాంధ్ర నేప‌థ్యంలో ఈ క‌థ న‌డుస్తుంద‌ని స‌మాచారం. త‌న‌కు జ‌రిగిన ఓ అన్యాయంపై ఓ అమ్మాయి ఎలా పోరాటం చేసింద‌న్న‌దే క‌థ‌. కీర‌వాణి ఈ చిత్రానికి సంగీతాన్ని స‌మ‌కూరుస్తున్నారు. ‘వేదం’ చిత్రానికీ ఆయ‌నే సంగీత ద‌ర్శ‌కుడు. ఈ చిత్రంలో ఓ క‌థానాయ‌కుడు కూడా క‌నిపిస్తాడు. అత‌నెవ‌ర‌నేది తెలియాల్సివుంది. రాజీవ్ రెడ్డి, ప్ర‌మోద్ నిర్మాత‌లు. యూవీలో అనుష్క ‘భాగమ‌తి 2’ చేయాల్సింది. ద‌ర్శ‌కుడు అశోక్ ఓ క‌థ‌ని కూడా రెడీ చేసుకొన్నాడు. కానీ.. అనుష్క మాత్రం క్రిష్ సినిమా వైపే మొగ్గు చూపించింది. గ‌తేడాది ‘మిస్ శెట్టి, మిస్ట‌ర్ పొలిశెట్టి’తో అనుష్క ఓ హిట్ కొట్టిన సంగ‌తి తెలిసిందే.