యాబై కోట్ల రూపాయిల వసూళ్లు సాధించడం అంత ఈజీ కాదు. అప్పుడప్పుడు స్టార్ హీరోలు కూడా ఈ మార్కుని అందుకోవడాని అవస్థలు పడాల్సివస్తుంది. స్టార్ కాంబినేషన్ లు, హిట్ టాక్ ఉన్నప్పటికీ కొన్ని సార్లు ఈ మార్క్ ని అందుకోవడం అంత సులువేమీ కాదు. అయితే తన సింగిల్ స్టామినాపై యాబై కోట్లు తీసుకొచ్చేయగల లేడీ సూపర్ స్టార్ అనుష్క. భాగమతి సినిమాని దీనికి మంచి ఉదాహరణ. చాలా కాలం షూటింగ్, పోస్ట్ ప్రొడక్షన్ లోనే వుండిపోయిన ఈ సినిమా ఈ ఏడాది బిగ్గెస్ట్ హిట్. తొలిప్రేమ, ఛలో సినిమాలతో కుర్రహీరోలు సందడి చేసినా.. అనుష్క వసూళ్లు ముందు ఇవి తక్కువే.
నాలుగు భాషల్లో పట్టున్న అనుష్క .. టాలీవుడ్ లేడీ ఓరియంటెడ్ సినిమాల్లో భాగమతితో ఓ ట్రెండ్ సెట్ చేసేసింది. వసూళ్లు పరంగా తన అరుధంతి రికార్డ్ మళ్ళీ తనే బ్రేక్ చేసింది. టాలీవుడ్ లేడీ ఓరియంటెడ్ సినిమాలకి వున్న అన్నీ రికార్డులు అనుష్క సొంతమయ్యాయి. సినిమాకి హిట్ టాక్ వస్తే చాలు యాభైకోట్లు గ్యారంటీ ఇవ్వగలిగే స్టార్ అనుష్క అనడంలో ఎలాంటి అతిసయోక్తి లేదు. అయితే అలాంటి స్టామినా అనుష్క మాత్రం.. ఎందుకో సినిమాలు చేయడంలో వేగం తగ్గించేస్తుంది. యాబై కోట్లు తెచ్చిన హీరోయిన్.. ఎంత జోరుగా ప్రాజెక్ట్స్ సెట్ చేసుకోవాలి. కానీ అనుష్క మాత్రం మళ్ళీ సైలంట్ అయిపోయింది. సరిగ్గా చెప్పాలంటే బాహుబలి తర్వాత కొత్త సినిమాకి సైన్ చేయలేదు అనుష్క. భాగమతి, బాహుబలి సమయంలో సైన్ చేసిందే. పోనీ ఈ సినిమా హిట్ అయిన తర్వాత అనుష్క నుండి సినిమా ప్రకటనలు వస్తాయనుకుంటే అదీ జరగలేదు.
దాదాపు పదముడేళ్ళుగా సినిమాలు చేస్తుంది అనుష్క. సక్సెస్ ఫుల్ హీరోయిన్. లేడీ సూపర్ స్టార్. బాహుబలి తర్వాత నేషనల్ స్టార్. ఆ విషయం భాగమతి వసూళ్లు రుజువుచేశాయి. మరి అంత క్రేజ్, స్టామినా వున్న అనుష్క నుండి జనరల్ గా ఎవరైన మరిన్ని సినిమాలు ఆశిస్తారు. ఎందుకంటే.. యాబై కోట్లు తీసుకురాగలిగే హీరోయిన్ ఇండస్ట్రీలో ఎవరున్నారు?!. అయితే అనుష్కలో మాత్రం ఆ జోరు కనిపించడం లేదు. అనుష్క పెరిగిన బరువు తగ్గించుకునే పనిలో వుందని అంటున్నారు కొందరు. కాదు.. ఆమె వైవాహిక జీవితంలో అడుగుపెట్టె ఆలోచనలో వున్నారని, ఇంట్లో మ్యాచస్ చూస్తున్నారని మరికొందరి మాట. అయితే అసలు విషయం మాత్రం సరైనా కధలు సెట్ కాకపోవడమేనని విస్వశనీయ వర్గాల సమాచారం. భాగమతి తర్వాత చాలా కధలు వింది అనుష్క. కాని ఏదీ నచ్చడం లేదు. ఈ మధ్య ఆమె ఓ తమిళ్ రిమేక్ లో నటిస్తుందని వార్తలు వచ్చాయి. అయితే అందులో కూడా వాస్తవం లేదట. ఐతే గౌతమ్ మీనన్ తెరకెక్కించే ఓ మల్టీస్టారర్ కు సైన్ చేసింది అనుష్క. ఇదీ చాలా రోజులు క్రితమే. గౌతమ్ అంటే అభిమానంతో సైన్ చేసిన సినిమా ఇది. ఇందులో అనుష్క అభిమానులు ఆశించే స్థాయి పాత్ర కాదు. పదిమంది స్టార్స్ లో ఆమె కూడా ఒకరు. అంతే.
అయితే అనుష్క అభిమానులు కోరుకునేది ఇది కాదు. జేజమ్మ నట విశ్వరూపం చూపించే సినిమాల కావాలి. సోలో స్టార్ గా బాక్సాఫీసును షేక్ చేసే సినిమాలు అనుష్క నుండి రావాలి. ఎందుకంటే లేడీ సూపర్ స్టార్ గా అదరగొట్టేసే కెపాసిటీ స్వీటీకి మాత్రమే వుంది కాబట్టి. మరి జేజమ్మ నుండి అదిరిపోయే సినిమా ప్రకటన ఎప్పుడు వస్తుందో..
