అదేంటి రుద్రమదేవి సినిమాలో అనుష్క కదా ఉండాల్సింది సడెన్ గా నయనతార ఎక్కడి నుండి వచ్చిందని మీరు కంగారు పడొచ్చు. అక్టోబర్ 9న రిలీజ్ అవుతున్న రుద్రమదేవి గురించి ప్రమోషన్లో పాల్గొన్న అనుష్క ఇంట్రెస్టింగ్ విషయాలను బయట పెట్టింది. అయితే మీడియా ప్రతినిధి అడిగిన క్వశ్చన్స్ కి ఆన్సర్స్ ఇస్తూ తను కాకుండా ఈ రుద్రమదేవి క్యారక్టర్లో నయనతార బాగుంటుందని అన్నది.

సాధారణంగా ఇలాంటి క్వశ్చన్స్ కి ఎవరు ఆన్సర్స్ చెప్పడానికి ఇష్టపడరు ఎందుకంటే ఒక హీరోయిన్ పేరు చెబితే మరో హీరోయిన్ యాంటీ అవుతుందని కాని అవేమీ పట్టించుకోకుండా స్వీటీ చక్కగా తాను కాకుండా ఆ పాత్రలో రాజసం కురిపించడానికి నయనతార సూట్ అవుతుందని అన్నది. ఇక అదేగాక తనకు గుణశేఖర్ కు మధ్య గొడవలయ్యాయని వచ్చిన కామెంట్లకు కూడా స్పందిస్తూ.. రుద్రమదేవి గుణశేఖర్ ప్రాణం పెట్టి తీసిన సినిమా మరి అలాంటి దర్శకుడితో తనకు గొడవలెందుకు అవుతాయని అన్నది.

రుద్రమదేవి సినిమా చేయడం తన అదృష్టమని చెబుతూనే ఇంతటి గొప్ప క్యారక్టర్ ఇచ్చిన గుణశేఖర్ గారికి ఎప్పటికి ఋణపడి ఉంటా అంటుంది అనుష్క. ఎన్నోసార్లు వాయిదా పడుతూ వచ్చిన రుద్రమదేవి ఎట్టకేలకు ఈ నెల 9న రిలీజ్ అవుతుంది.