‘క‌న్న‌ప్ప‌’ సినిమాని భారీ హంగుల‌తో, రూ.100 కోట్ల బ‌డ్జెట్ తో రూపొందిస్తాం అని మంచు విష్ణు అంటుంటే కామెడీ గా తీసుకొన్నారు చాలామంది. కానీ ఈ సినిమాని నిజంగానే అనుకొన్న‌దానికంటే మిన్న‌గా తీసేందుకు విష్ణు చాలా క‌ష్ట‌ప‌డుతున్నాడు, ఖ‌ర్చు పెడుతున్నాడు. క‌నీవినీ ఎరుగ‌ని స్టార్స్‌కాంబోని ఈ సినిమా కోసం తీసుకొస్తున్నాడు. ఇప్ప‌టికే అనుష్క‌, మోహ‌న్ లాల్‌, న‌య‌న‌తార‌, కృతిస‌న‌న్‌, శివ‌రాజ్ కుమార్‌.. ఇలా భారీతారాగ‌ణాన్ని ‘క‌న్న‌ప్ప‌’ కోసం రంగంలోకి దించాడు. ఇటీవ‌లే… అక్ష‌య్ కుమార్ సైతం ఈ ప్రాజెక్ట్ లోకి ఎంట్రీ ఇచ్చారు. ఇప్పుడు అనుష్క కూడా… ఓ కీల‌క పాత్ర చేయడానికి అంగీకారం తెలిపింద‌ని స‌మాచారం. ఇన్ సైడ్ వ‌ర్గాల ప్ర‌కారం అక్ష‌య్ శివుడిగా, అనుష్క పార్వ‌తిగా క‌నిపించ‌బోతున్నార‌ని తెలుస్తోంది. పార్వ‌తి పాత్ర‌కు ముందు కంగ‌నాను అనుకొన్నారు. అయితే.. ఆ స్థానంలో సౌత్ స్టార్ ఉంటే బాగుంటుంద‌న్న ఆలోచ‌న‌తో అనుష్క‌ని సంప్ర‌దించారు. ఇటీవ‌ల న్యూజీలాండ్ లో ఓ భారీ షెడ్యూల్ పూర్తి చేశారు. శివ రాజ్ కుమార్‌, బ్ర‌హ్మానందం, మోహ‌న్ లాల్ .. వీళ్లంతా ఇప్ప‌టికే షూటింగ్ లో పాలుపంచుకొన్నారు. ప్ర‌భాస్‌, న‌య‌న‌తార, అనుష్క వీళ్లపై త్వ‌ర‌లోనే స‌న్నివేశాల్ని పూర్తి చేస్తారు.