క్రిష్ జాగర్లమూడి దర్శకత్వంలో అనుష్క శెట్టి ప్రధాన పాత్రధారిగా ఓ చిత్రం తెరకెక్కుతున్న విషయం తెలిసిందే. యు.వి.క్రియేషన్స్‌, ఫస్ట్ ఫ్రేమ్‌ ఎంటర్‌టైన్‌మెంట్‌ సంస్థలు సంయుక్తంగా రూపొందిస్తున్నాయి. నాయికా ప్రధానమైన ఈ చిత్రానికి ‘ఘాటి’ అనే పేరుని ఖరారు చేశారు.
ఈ రోజు అనుష్క బర్త్ డే. ఈ సందర్భంగా ఫస్ట్ లుక్ ని రిలీజ్ చేశారు. పెద్ద చుట్ట కాలుస్తూ గంభీరమైన గెటప్ లో కనిపించారు అనుష్క. చేతికి రక్త‌పు మ‌ర‌క‌లు క‌నిపిస్తున్నాయి. నేరస్తురాలిగా మారిన ఓ బాధితురాలి కథతో ఈ చిత్రం రూపొందుతోంది. ప్రతీకారం ప్రధానంగా సాగుతుంది. ఇందులో అనుష్క పాత్రని బాధితురాలు, నేరస్తురాలు, లెజెండ్ అని పరిచయం చేశారు. డ్ర‌గ్స్ మాఫియా చుట్టూ తిరిగే క‌థ ఇది. షూటింగ్ దాదాగా పూర్త‌య్యింది. 2025 ఫిబ్ర‌వ‌రిలో విడుద‌ల చేసే అవ‌కాశాలు ఉన్నాయి.
వేదం తర్వాత అనుష్క, క్రిష్ కాంబినేషన్ లో వస్తున్న సినిమా ఇది. విద్యా సాగర్ మ్యూజిక్ అందిస్తున్న ఈ సినిమాకి సాయి మాధవ్ బుర్రా డైలాగ్ రైటర్. ఈ సినిమా కోసం స్వీటీ బ‌రువు త‌గ్గి, ఇది వ‌ర‌క‌టిలా నాజూగ్గా త‌యారైంద‌ట.
