క్రియేటివ్ డైరక్టర్ కన్ను ఇప్పుడు స్వీటి అనుష్క మీద పడ్డది. గోవిందుడు అందరివాడేలే సినిమా తర్వాత ఏ సినిమా కమిట్ అవ్వని కృష్ణ వంశీ తన తర్వాత సినిమా ఓ హార్రర్ జానర్లో తెరకెక్కించాలని ప్లాన్ చేస్తున్నాడట. హీరోయిన్ లీడ్ రోల్లో ఉండే ఈ సినిమాకు ప్రధాన పాత్ర కోసం అనుష్కని అడగడం ఆమె కూడా ఓకే చెప్పడం జరిగింది. ‘రుద్రాక్ష’ అనే టైటిల్ తో వస్తున్న ఈ సినిమా దిల్ రాజు నిర్మిస్తున్నారని తెలుస్తుంది.

అయితే రీసెంట్ గా రుద్రమదేవితో హిట్ కొట్టి ప్రస్తుతం సైజ్ జీరోగా రాబోతున్న అనుష్క మరోసారి అద్భుతమైన పాత్రలో కనిపించడానికి రెడీ అయ్యింది. ఈ సినిమాలో ఇంకో విశేషమేంటంటే సినిమాలో హీరోయిన్ అనుష్క ఒక్కటే కాని హీరోలు మాత్రం ఐదుగురు దాకా ఉంటారని అంటున్నారు. అంటే ఒకే సినిమాలో అనుష్క ఐదుగురు హీరోలతో రొమాన్స్ చేస్తుందన్నమాట. ప్రి ప్రొడక్షన్ వర్క్ జరుపుకుంటున్న ఈ సినిమా గురించి అఫిషియల్ ఎనౌన్స్ మెంట్ త్వరలో రానుంది.

ప్రస్తుతం అనుష్క సైజ్ జీరో ప్రమోషన్స్ లో ఫుల్ బిజీగా ఉంది. ఈ నెల 27న సైజ్ జీరో ఒకేసారి తెలుగు, తమిళ భాషల్లో రిలీజ్ అవుతుంది. ప్రకాశ్ కోవెలమూడి డైరెక్ట్ చేసిన ఈ సినిమాను పివిపి బ్యానర్లో పొట్లూరి వర ప్రసాద్ నిర్మించాడు. హాట్ హీరోయిన్ అనుష్క ఐదుగురు హీరోలతో రొమాన్స్ అంటే ఆ సినిమా ఏ రేంజ్ ఉంటుందో అని సినిమాపై భారీ అంచనాలు ఏర్పడ్డాయి.