సూపర్ స్టార్ మహేష్ బాబు ప్రస్తుతం బ్రహ్మోత్సవం సినిమా షూట్లో బిజీగా ఉన్నాడు. అయితే ఈ సినిమా తర్వాత ఏ సినిమా చేయబోతున్నాడన్నది సస్పెన్స్ గా ఉంది. ఓ పక్క దర్శకులంతా క్యూ కడుతుంటే మహేష్ మాత్రం తమిళ దర్శకుడు మురుగదాస్ కే మొగ్గుచూపుతున్నాడని ఫిల్మ్ నగర్ టాక్. మురుగదాస్ కథకి ఫ్లాట్ అయిన మహేష్ తన తర్వాత సినిమా అదే అని ఫిక్స్ అయ్యాడట.
ఈ సినిమాను మెగా సూపర్ గుడ్ మూవీస్ నిర్మాణ సంస్థలో వస్తుందని ఎన్వీ ప్రసాద్, పారాస్ జైన్ నిర్మిస్తున్నారట. అంతేకాదు సినిమాకు హారిస్ జైరాజ్ మ్యూజిక్ అందిస్తాడని కోలీవుడ్ న్యూస్. ఈ సినిమాను కోలీవుడ్లో విజయ్ హీరోగా తెరకెక్కిస్తారట. తెలుగులో మహేష్, తమిళ్ లో విజయ్ హీరోలుగా ఈ సినిమా రూపొందించబడుతుంది.
మహేష్ మురుగదాస్ కాంబినేషన్లో సినిమా ఎప్పుడో రావాల్సి ఉంది. కాని ఇన్నాళ్లు పరిస్థితులు అనుకూలించలేదు. ఇప్పుడు కూడా మహేష్ చాలా మంది దర్శకులకు కమిట్మెంట్ ఇచ్చాడు. అయినా సరే దాస్ చెప్పిన స్టోరీకి ఫిదా అయ్యి అతనితోనే చేస్తానని సన్నిహితులతో అంటున్నాడట. మరి మురుగదాస్ మహేష్ కాంబినేషన్ సినిమా ఏ రేంజ్ హిట్ అవుతుందో చూడాలి.
