శుక్ర‌వారం రాత్రి హైద‌రాబాద్ లోని మోహ‌న్ బాబు ఇంట్లోకి కొంత‌మంది దుండ‌గులు చొర‌బ‌డ్డారు. జూబ్లీ హిల్స్ లోని మోహ‌న్ బాబు ఇంటిలోకి వ‌చ్చి… `నీ అంతు చూస్తాం..` అంటూ వార్నింగ్ ఇచ్చి అక్క‌డి నుంచి ప‌రార‌య్యారు. దీంతో భ‌యాందోళ‌న‌కు చెందిన మోహ‌న్ బాబు, కుటుంబ స‌భ్యులు అగంత‌కుల‌పై మోహ‌న్ బాబు పోలీసుల‌కు ఫిర్యాదు చేశారు. ఇప్పుడు ఆ దుండ‌గుల్ని పోలీసులు అరెస్ట్ చేశారు. సీసీ టీవీ ఫుటేజ్ ఆధారంగా… పోలీసులు దుండ‌గుల్ని ఈజీగా ప‌ట్టుకోగ‌లిగారు.
వీళ్లంతా మైలార్ దేవ్ ప‌ల్లి, దుర్గా న‌గ‌ర్ కి చెందిన‌వాళ్ల‌ని పోలీసులు గుర్తించారు. వీళ్ల‌పై కేసు న‌మోదు చేసి ద‌ర్యాప్తు చేస్తున్నారు. ప్ర‌స్తుతం వీళ్ల కాల్ డేటాని ప‌రిశీలిస్తున్నారు పోలీసులు. మోహ‌న్ బాబు ఇంటికి వెళ్లి బెదిరించ‌మ‌ని ఎవ‌రైనా పుర‌మాయించారా? లేదంటే వీళ్ల‌కు వీళ్లుగా వెళ్లారా? అగంతుకుల నేప‌థ్యం ఏమిటి? ఇలాంటి విష‌యాల్ని ఆరా తీస్తున్నారు.
