కాంతార తర్వాత డివైన్ టచ్ లో వున్న యాక్షన్ సినిమాలకి గిరాకీ పెరిగింది. యాక్షన్ తో పాటు డివైన్ టచ్ వుండే కథలు సిద్ధం చేస్తున్నారు దర్శకులు. ఇప్పుడు అశ్విన్ బాబు హీరో గా నటించిన ‘శివం భజే’ లో కూడా ఈ ఛాయలు కనిపించాయి. తాజాగా ఈ సినిమా టీజర్ వదిలారు.
హీరోకి సడన్ గా తలనొప్పి వచ్చి, ఏం జరుగుతుందో అర్ధం కాదు. కట్ చేస్తే అఘోరాలు దర్శనమిస్తారు. తర్వాత అయ్యప్ప శర్మ పవర్ ఫుల్ వాయిస్ తో ‘ఇది శివుడే లిఖించిన శత్రు వినాశనం’ అంటూ ఓ భారీ డివైన్ యాక్షన్ సీన్ ని ప్రజెంట్ చేస్తూ టీజర్ కట్ చేశారు.
టీజర్ లో యాక్షన్ ఎపిసోడ్స్ బావున్నాయి. విజువల్స్ లో క్యాలిటీ కనిపించింది. అప్సర్ ఈ సినిమాకి దర్శకుడు. ప్రస్తుతం ఆడియన్స్ పల్స్ పట్టుకునేలానే కథని రాసున్నాడని టీజర్ చూస్తే అర్ధమౌతోంది. త్వరలోనే సినిమా ప్రేక్షకుల ముందుకు వస్తోంది.
