మంచు మనోజ్ నటించిన ఎటాక్ సినిమా ఎప్పటినుండో రిలీజ్ కష్టాలు పడుతూ వస్తుంది. రాం గోపాల్ వర్మ దర్శకత్వంలో రాబోతున్న ఈ సినిమా ఎప్పుడో పూర్తయినా రిలీజ్ కి మాత్రం నోచుకోవట్లేదు. అయితే మనోజ్ ఎటాక్ రిలీజ్ కాకపోడానికి మెగా హీరో సినిమా అడ్డుపడ్డదని ఫిల్మ్ నగర్ టాక్. అదేంటి మనోజ్ సినిమాకు మెగా హీరోకి సంబంధం ఏమిటి అంటే వివరాలు ఇలా ఉన్నాయంటున్నారు.
మనోజ్ ఎటాక్ సినిమా వర్మ దర్శకత్వంలో సి.కళ్యాన్ నిర్మించారు. అయితే అదే టైంలో పూరి దర్శకత్వంలో వరుణ్ తేజ్ లోఫర్ కూడా ఆయనే నిర్మాతగా వ్యవహరించారు. రెండు సినిమాలు నిర్మించిన కళ్యాణ్ లోఫర్ సినిమా మీద నమ్మకంతో దానికి ఎక్కువ బడ్జెట్ కేటాయించాడట. అంతేకాదు సినిమా కచ్చితంగా మంచి లాభాలను తెచ్చిపెడుతుందని ఉన్న డబ్బులు పెట్టి మరి ప్రమోట్ చేశాడట. తీరా రిజల్ట్ చూస్తే ఏముంది భారీ లాస్ తెచ్చిపెట్టింది. ఇక లోఫర్ సినిమా కష్టాల నుండి కళ్యాణ్ బయట పడలేక మంచు మనోజ్ ఎటాక్ సినిమాను రిలీజ్ చేయలేక ఉన్నాడట ఇన్ని రోజులు.
మనోజ్ ఎన్నో ఆశలతో చేసిన శౌర్య ఊహించని షాక్ ఇవ్వడంతో తన మార్క్ ఎటాక్ తో ప్రేక్షకులను ఎటాక్ చేయాలని చూస్తున్నాడు. సినిమాను ఎలాగైనా రిలీజ్ చేసే ఆలోచనలో ఉన్నారట దర్శక నిర్మాతలు. మరి సినిమా ఎప్పుడు రిలీజ్ అవుతుందో చూడాలి.
