బిగ్ బాస్ తెలుగు సీజన్ 3 విజేత రాహుల్ సిప్లిగంజ్ బుధవారం రాత్రి ఒక పబ్ లో దాడి జరిగింది. దీంతో రాహుల్ తీవ్ర గాయాలపాలయ్యారు. వివరాల్లోకి వెళితే..

బిగ్ బాస్ సీజన్ 3 లో అండర్డాగ్ గా ప్రవేశించిన రాహుల్ సిప్లిగంజ్ టైటిల్ విజేత అవుతాడని ఎవరూ ఊహించలేదు. అయితే రాహుల్ పునర్నవి మధ్య రొమాంటిక్ ట్రాక్ ప్రేక్షకులను ఆకట్టుకోవడంతో పునర్నవి రాహుల్ లని బిగ్బాస్ నిర్వాహకులు కూడా ఎలిమినేట్ కాకుండా మొదట్లో చాలా వారాలు కాపాడుకున్నారు. ఇక చివరికి వచ్చే సరికి పోటీ కేవలం రాహుల్ శ్రీముఖి ల మధ్య జరిగింది. మొత్తానికి టైటిల్ విజేతగా నిలిచిన రాహుల్ నటుడిగా కూడా తన అదృష్టాన్ని పరీక్షించుకోనున్నారు. కృష్ణవంశీ తాజా చిత్రం లో రాహుల్ నటిస్తున్నారు. ఈ క్రమంలో గత రాత్రి తన స్నేహితురాలి తో కలిసి పబ్ కి వెళ్లిన రాహుల్, అక్కడ కొంత మంది యువకులు తన స్నేహితురాలి తో అసభ్యంగా ప్రవర్తించడం తో వారితో గొడవకు దిగారు. అయితే అవతలి బ్యాచ్ రాజకీయ నాయకుల బంధువులు కావడంతో, వారు దురుసుగా ప్రవర్తించినట్లు గా, రాహుల్ తలపై బీరు సీసాలతో కొట్టినట్లుగా సమాచారం అందుతోంది. దీంతో రాహుల్ తీవ్ర గాయాల పాలయ్యారు. పోలీసులు కూడా పబ్ చేరుకొని సంఘటన పరిశీలించినట్లు తెలుస్తోంది.

మొత్తానికి, అవతలి వ్యక్తులకి రాజకీయ అండదండలు ఉండడంతో, రాహుల్ సిప్లిగంజ్ పై జరిగిన దాడి విషయంలో పోలీసులు ఎలా ప్రవర్తిస్తారు అనేది ఆసక్తికరంగా మారింది