‘ఊహ‌లు గుస‌గుస‌లాడే’ చిత్రంతో ద‌ర్శ‌కుడిగా మారాడు అవ‌స‌రాల శ్రీ‌నివాస్‌. ఆ సినిమాతో త‌న‌దంటూ ప్ర‌త్యేక‌మైన ముద్ర వేశాడు. అప్ప‌టి నుంచీ అటు ద‌ర్శ‌క‌త్వం, ఇటు న‌ట‌న అంటూ రెండు ప‌డ‌వ‌ల ప్ర‌యాణం చేస్తున్నాడు. అవ‌స‌రాల నుంచి వ‌చ్చిన ‘జ్యో అత్యుతానంద‌’ కూడా మంచి విజ‌యాన్నే అందుకుంది. ఇప్పుడు మ‌రోసారి ఈ కాంబినేష‌న్ తెర‌పైకి రాబోతోంది. అవ‌స‌రాల ద‌ర్శ‌క‌త్వంలో నాగ‌శౌర్య క‌థానాయ‌కుడిగా ఓ చిత్రం తెర‌కెక్క‌బోతోంద‌ని స‌మాచారం. పీపుల్స్ మీడియా సంస్థ ఈ చిత్రాన్ని నిర్మించ‌నుంది. ఇందులో నాగ‌శౌర్య‌తో పాటుగా మ‌రో క‌థానాయ‌కడు కూడా క‌నిపిస్తాడ‌ని స‌మాచారం. అత‌నెవ‌ర‌న్న‌ది త్వ‌రలో తెలుస్తుంది. ప్ర‌స్తుతం స్క్రిప్టు ప‌నులు జ‌రుగుతున్నాయి. త్వ‌ర‌లోనే పూర్తి వివ‌రాలు వెల్ల‌డ‌వుతాయి.