బాహుబ‌లి ఓ కుటుంబ క‌థా చిత్ర‌మ్‌! వెండి తెర‌పైనే కాదు, వెనుక కూడా. రాజ‌మౌళి కుటుంబం ఈ సినిమా కోసం అహ‌ర్నిశ‌లూ క‌ష్ట‌ప‌డింది. సెట్లో, ఇంట్లో.. ఆడియో వేడుక‌లో కుటుంబ వాతావ‌ర‌ణం క‌నిపించడానికి కార‌ణం ఇదే. ఆ ఎఫెక్ట్‌.. ఇప్పుడు ఆన్ స్క్రీన్‌పైనా క‌నిపించ‌బోతోంది. ఓ పాట‌లో రాజ‌మౌళి, కీర‌వాణి, సెంథిల్ వార‌సులు తెర‌పై క‌నిపించ‌బోతున్నారు. ‘సాహోరే బాహుబ‌లి’ అనే పాట‌ని ఇటీవ‌ల చిత్ర‌బృందం విడుద‌ల చేసింది. ఆ పాట‌లో రాజ‌మౌళి కుమార్తె మయూఖ, సంగీత దర్శకుడు కీరవాణి కుమార్తె కుముద్వతి, కెమేరామెన్‌ సెంథిల్‌ తనయులు రేయాన్‌, ధృవలు క‌నిపిస్తారు. ప్ర‌భాస్ ఏనుగుపై ఊరేగుతోంటే మ‌హీష్మ‌తీ ప్ర‌జ‌లు పూలు జ‌ల్లుతూ స్వాగ‌తం ప‌లుకుతారు. ఆ గుంపులో రాజ‌మౌళి, కీర‌వాణి, సెంథిల్ వార‌సులు కూడా ఉన్నారు. బాహుబ‌లి 1లో రాజ‌మౌళి క‌నిపించారు. పార్ట్ 2లో ఆయ‌న క‌నిపించే అవ‌కాశాలు లేవు. ఉన్నా.. ఆశ్చ‌ర్య‌పోన‌వస‌రం లేదు. రాజ‌మౌళి, కీర‌వాణి కుటుంబానికి సంబంధించి ఇంకెవ‌రైనా బాహుబ‌లి 2లో క‌నిపిస్తారేమో చూడాలి.