పండుగ వచ్చిందంటే చాలు ఏ హీరో ఏ సినిమా టీజర్ రిలీజ్ చేస్తాడు.. ఏ హీరో ఏ సినిమా ట్రైలర్ రిలీజ్ చేస్తాడు అనే ఉత్సాహం అభిమానుల్లో మొదలవుతుంది. ఇక రానున్న తెలుగు సంవత్సరాది అదే ఉగాదికి ఇప్పటికే తమ అభిమానులను అలరించేందుకు హీరోలంతా సిద్ధమవుతుంటే విక్టరీ వెంకటేష్ కూడా ఈసారి తగ్గనంటున్నాడు. మారుతి దర్శకత్వంలో వెంకటేష్ నటిస్తున్న బాబు బంగారం షూటింగ్ జరుపుకుంటుంది.
అయితే ఈ సినిమాకు సంబందించిన ఫస్ట్ లుక్ పోస్టర్ ను ఏప్రిల్ 8 అంటే ఉగాది రోజున రిలీజ్ చేయనున్నారు చిత్రయూనిట్. భలే భలే మగాడివోయ్ సక్సెస్ తో ఫుల్ జోష్ లో ఉన్న మారుతి వెంకీ ఇచ్చిన అవకాశాన్ని కూడా నిలబెట్టుకోవాలని చూస్తున్నాడు. రొమాంటిక్ కామెడీ ఎంటర్టైనర్ గా రాబోతున్న బాబు బంగారం సినిమాలో వెంకటేష్ ఓ కామెడీ పోలీస్ గా దర్శనమివ్వబోతున్నాడు. గోపాలా గోపాల తర్వాత దాదాపు సంవత్సరం పైగా గ్యాప్ తీసుకున్న వెంకీ ఈ సినిమా ఫస్ట్ లుక్ పోస్టర్ తో అభిమానులకు ఉగాది ట్రీట్ ఇచ్చేందుకు రెడీ అయ్యాడు.
