అదేంటి? బాబు బంగారం సినిమాకి మారుతి క‌దా, ద‌ర్శ‌కుడు..?? అనే డౌటొచ్చిందా? ఈ సినిమాకి మారుతినే ద‌ర్శ‌కుడు. కానీ ఇప్పుడు క‌టింగుల బాధ్య‌త త్రివిక్ర‌మ్ తీసుకొన్నారు. బాబు బంగారం ప్రొడ్యూస‌రు రాధాకృష్ణ‌కీ, త్రివిక్ర‌మ్‌కీ ఉన్న స‌న్నిహిత సంబంధం తెలిసిందే. త్రివిక్ర‌మ్ కోస‌మే రాధాకృష్ణ సినిమా ఇండ్ర‌స్ట్రీకి వ‌చ్చార‌ని చెప్పుకొంటారు. స‌న్నాఫ్ స‌త్య‌మూర్తి, అ.ఆ సినిమాల‌కు ఆయ‌నే నిర్మాత‌. ఆ చ‌నువు కొద్దీ బాబు బంగారంకి షైనింగులు ఇచ్చే బాధ్య‌త త్రివిక్ర‌మ్ తీసుకొన్నార‌ని ఓ టాక్‌. క‌థ నుంచి సినిమా టేకింగూ, మేకింగు త‌దిత‌ర విష‌యాల‌న్నీ మారుతినే చూసుకొన్నాడు. అందులో నో డౌట్‌. కానీ.. ఫైన‌ల్ అవుట్ పుట్ మాత్రం త్రివిక్ర‌మ్ చూశాడ‌ట‌. త‌న‌కు తోచిన క‌రెక్ష‌న్లేవో చెప్పాడ‌ట‌. మారుతికీ త్రివిక్ర‌మ్ అంటే చాలా అభిమానం. ఆ గౌర‌వంతో కూడిన ఇష్టం కొద్దీ త్రివిక్ర‌మ్ ఇచ్చిన స‌ల‌హాలు పాటిస్తున్నాడ‌ట‌. అంతేకాదు.. ఈ సినిమా ప‌బ్లిసిటీ ఎలా చేయాలి? అనే విష‌యంలోనూ త్రివిక్ర‌మ్ త‌న వంతు స‌ల‌హాలు, సూచ‌న‌లు ఇచ్చిన‌ట్టు టాక్‌. అన్న‌ట్టు త్రివిక్ర‌మ్ నెక్ట్స్ ప్రాజెక్టు పవ‌న్ క‌ల్యాణ్‌తో ఫిక్స‌య్యింది. న‌వంబ‌రులో ఆ సినిమా ప‌ట్టాలెక్కుతోంది. ఈలోగా కావ‌ల్సినంత ఖాళీ దొరికింది ఈ మాట‌ల మాంత్రికుడికి. అందుకే.. ఇలా స‌ల‌హాల పోగ్రాం పెట్టిన‌ట్టున్నాడు.