అన్ స్టాపబుల్ టాక్ షోని సక్సెస్ ఫుల్ గా నడుపుతున్నారు బాలయ్య. ఈ షోకి వచ్చిన ప్రతి గెస్ట్ కి ఆతిథ్యం ఇవ్వడంలో బాలయ్య రూటే వేరు. ఏదో పడికట్టు ప్రశ్నలు, మూస సమాధానాలు కాకుండా అందరినీ అలరించే ప్రశ్నల్ని, జవాబుల్ని రాబట్టుకోవడంలో తనదైన ముద్ర వేస్తున్నారు. లేటెస్ట్ గా అల్లు అర్జున్ ఈ షోకి హాజరైన ఎపిసోడ్ చాలా స్పెషల్ గా నిలిచింది. ఇందులో చాలా హైలెట్స్ ఉన్నాయి.

ఇందులో ఒక మల్టీస్టారర్ సినిమాకి కాంబినేషన్ సెట్ చేశారు బాలయ్య. రన్బీర్ కపూర్ కాంబినేషన్లో ఒక మల్టీస్టారర్ చేస్తావా? అని బన్నీని అడిగితే..తప్పకుండా చేస్తానని చెప్పాడు బన్నీ. ‘ఆరు నెలల టైం ఇస్తున్నాను. ఎవరైనా కథ రాసుకురండి. లేకపోతే నేనే రాస్తాను. అవసరమైతే నేనే డైరెక్షన్ చేస్తాను. ప్రొడ్యూసర్ ని మాత్రం నీవే తీసుకురా అమ్మ’ అని బన్నీతో చెప్పడం అందరినీ నవ్వించింది.

బాలయ్య ప్రపోజల్ కు ఓకే చెప్పిన బన్నీ ‘మా నాన్నగారిని ప్రొడ్యూస్ చేయమని చెప్తాను’అని అనడం మరో కొసమెరుపు.

ఇదే సందర్భంలో అల్లు అరవింద్ తీసిన ‘గజినీ’ని ప్రస్తావించారు బాలయ్య. ”ఆ సినిమాతో 100 కోట్లు కొట్టారు. ఆ డబ్బంతా ఎక్కడ పెట్టారు’ అని అడగ్గా ‘ఏమో సార్.. నాకు ఇవ్వలేదు’ అని బన్నీ చెప్పడం అందరినీ నవ్వించింది.