నంద‌మూరి బాల‌కృష్ణ – బోయపాటి శ్రీ‌ను కాంబినేష‌న్ లో ఓ సినిమా తెరకెక్కుతోంది. క‌థానాయిక‌గా ఓ కొత్త‌మ్మాయిని ఎంచుకోవాల‌న్న‌ది బోయ‌పాటి ప్లాన్‌. అందుకోసం అన్వేష‌ణ కూడా జ‌రుగుతోంది. బొంబై నుంచి ఓ కొత్త క‌థానాయిక‌ని దిగుమ‌తి చేయాల‌ని భావిస్తున్నారు.

కానీ బాల‌య్య మాత్రం స్టార్ హీరోయిన్‌ని డిమాండ్ చేస్తున్నాడ‌ని తెలుస్తోంది. కొత్త‌మ్మాయిలు వ‌ద్దు.. స్టార్ నాయిక అయితే బాగుంటుంద‌ని చిత్ర‌బృందానికి బాల‌య్య సూచించాడ‌ట‌. బాల‌య్య మాటంటే తిరుగు ఉంటుందా..? ఇప్పుడు ద‌ర్శ‌క నిర్మాత‌లు కొత్త హీరోయిన్ బ‌దులు స్టార్ హీరోయిన్ ని ఎంచుకోవాల‌ని డిసైడ్ అయ్యారు. నిజానికి ఈ స్క్రిప్టు మొద‌లెట్టేట‌ప్పుడు స్టార్ హీరోయిన్‌ని తీసుకుందామ‌నుకున్నారు. కానీ… బ‌డ్జెట్ త‌గ్గిద్దామ‌ని కొత్త హీరోయిన్‌తో స‌రిపెట్టాల‌నుకున్నారు. ఇప్పుడు ప్లాన్ రివ‌ర్స్ అయ్యింది. త్వ‌ర‌లోనే హీరోయిన్ విష‌యంలో ఓ అధికారిక ప్ర‌క‌ట‌న రావొచ్చు.