నందమూరి బాలకృష్ణ, అనిల్ రావిపూడి కలయికలో ఓ సినిమా రాబోతున్న సంగతి తెలిసిందే. ఇప్పటికే ఈ సినిమా కథ లాక్ అయ్యింది. ఈ సినిమా లేటెస్ట్ అప్డేట్ ఏమిటంటే ఇదో మల్టీ స్టారర్. హీరో రవితేజ ఇందులో మరో హీరోగా కనిపించనున్నారు. బాలకృష్ణ కి కథ చెప్పినప్పుడే ఇందులో మరో హీరోకి కూడా అవకాశం వుందని భావించారు. ఇప్పుడా హీరో రవితేజగా ఫిక్స్ చేశారు.
ఈ విషయంలో దర్శకుడు అనిల్, రవితేజని సంప్రదించడం, ఆయన ఓకే అనడం జరిగిపోయింది. బాలయ్య కూడా రవితేజ అంటే పచ్చజెండాఊపేశారు. అనిల్ -రవితేజ లది హిట్ కాంబినేషన్. అటు బాలయ్య- రవితేజలని ఒక్కటిగా చూడటం కూడా క్రేజీ కాంబినేషనే, ఇటివలే ‘ఆహా’ షోలో బాలయ్య రవితేజ కలసి సందడి చేశారు. రవితేజ- బాలయ్య మధ్య ఏవో స్పర్ధలు వున్నాయని గతంలో టాక్ వుండేది, ఈ షోలో అవన్నీ రూమర్స్ అని కొట్టిపారేశారు. త్వరలోనే ఈ మల్టీ స్టారర్ ని ఖారారు చేస్తూ ప్రకటన రానుంది.
