నంద‌మూరి బాల‌కృష్ణ రియ‌ల్ హీరో అనిపించుకొన్న సంద‌ర్భం ఇది. ఆయ‌న సాహ‌సాలు తెర‌పైనే కాదు.. కెమెరా బ‌య‌టా జ‌రుగుతాయి అనేదానికి నిలువెత్తు సాక్ష్యం ఇది. బాల‌య్య గ‌ట్స్ గురించి గొప్ప‌గా మాట్లాడుకొనే అభిమానులు పొంగిపోయే సంద‌ర్భం ఇది. అవును.. గౌత‌మి పుత్ర శాత‌క‌ర్ణి సెట్లో ఓ అద్భుతం చోటు చేసుకొంది. అదీ బాల‌య్య చేతుల మీదుగా. ఓ రిస్కీ షాట్‌లో పాల్గొన్న బాల‌కృష్ణ ఓ ప‌సివాడ్ని కాపాడిన అరుదైన ఘ‌ట్ట‌మిది. ఆల‌స్యంగా వెలుగులోకి వ‌చ్చిన స‌మాచారం ప్ర‌కారం… వివ‌రాల్లోకి వెళ్తే..

బాల‌య్య వందో సినిమా షూటింగ్ ఆమ‌ధ్య మొరాకోలో జ‌రిగిన సంగ‌తి తెలిసిందే. అక్క‌డ యాక్ష‌న్ ఘ‌ట్టాల్ని తెర‌కెక్కించారు. వంద‌లాది మంది జూనియ‌ర్ ఆర్టిస్టుల‌తో సాగిన యుద్ద‌ఘ‌ట్టం అది. ఓ షాట్ కోసం నాలుగేళ్ల ప‌సివాడ్ని గుర్రం మీద ఎక్కించుకొని బాల‌య్య దౌడు తీయాలి. ఆ స‌మ‌యంలో గుర్రాలు కాస్త బెదిరి కాస్త అటూ ఇటూగా ప‌రుగులు తీశాయి. దాంతో బాల‌య్య చేతిలో ఉన్న పిల్ల‌వాడు జారి.. కింద‌ప‌డ‌బోయాడ‌ట‌. స‌రిగ్గా అప్పుడే బాల‌య్య హీరోలా కింద‌కు దూకుతూ పిల్ల‌వాడ్ని కాపాడాడ‌ట‌. ఆ స‌మ‌యంలో బాల‌య్య‌ని గుర్రం కొంత‌దూరం వ‌ర‌కూ లాక్కెళ్లిపోయినా చేతిలో ఉన్న బాబుకి మాత్రం ఎలాంటి దెబ్బ‌లు త‌గ‌ల‌కుండా బాల‌య్య కాపాడాడ‌ట‌. ఈ ప్ర‌మాదంలో బాల‌య్య వీపుకు చిన్న చిన్న గాయాలు అయ్యాయ‌ని తెలుస్తోంది. అయినా స‌రే.. లెక్క చేయ‌కుండా ప‌సివాడి ప్రాణాలు కాపాడారు బాల‌య్య‌. ఈ విష‌యం యూనిట్ స‌భ్యుల ద్వారా బ‌య‌ట‌కు పొక్కింది. జై.. బాల‌య్య‌.. జై జై బాల‌య్య!!