బాల‌య్య ఇప్ప‌డు బుల్లి తెర‌పై సంద‌డి చేయ‌బోతున్నారు. `ఆహా` కోసం ఓ టాక్ షో కోసం బాల‌కృష్ణ రంగంలోకి దిగ‌బోతున్నారు. ఆహా అనేది మెగా ఫ్యామిలీ వెంచర్. అలాంటి వెంచర్ లో బాల‌య్య కూడా ఓ భాగం అవ్వ‌డం నిజంగా విచిత్ర‌మే. పైగా బాల‌కృష్ణ ఇంట‌ర్వ్యూలు టిపిక‌ల్ గా ఉంటాయి. అవ‌న్నీ ఫ్యాన్స్‌కే కాకుండా, నాన్ బాల‌య్య ఫ్యాన్స్‌కీ మంచి వినోదం పంచి పెడుతుంటాయి. ఇప్పుడు ఆయ‌నే ఓ టాక్ షో నిర్వ‌హించ‌డం గ‌మ్మ‌త్తైన ఆలోచ‌న.
ఈ టాక్ షోకి ప్ర‌ముఖ ద‌ర్శ‌కుడు క్రిష్ నేతృత్వం వ‌హిస్తార‌ని తెలుస్తోంది. టాక్ షోలు ఈమ‌ధ్య బాలీవుడ్ స్థాయిలో జ‌రుగుతున్నాయి. అక్క‌డి టాక్ షోలు… అచ్చం సినిమాల్లానే ప్రీ ప్రొడ‌క్ష‌న్‌, పోస్ట్ ప్రొడ‌క్ష‌న్‌, స్క్రిప్టు.. ఇలా… ఈ ఫార్మెట్ లోనే సాగుతుంది. యాక్ష‌న్‌, క‌ట్ ల హంగామా ఉంటుంది. ఇక్క‌డా అదే ప‌ద్ధ‌తి కొన‌సాగుతోంది. గ‌తంలో ఆహాలో వ‌చ్చిన ఓ టాక్ షోకి నందినిరెడ్డి ద‌ర్శ‌క‌త్వం వ‌హించింది. బాల‌య్య‌తో అనుబంధం ఉన్న ద‌ర్శ‌కుడైతే ఈ టాక్ షోని స‌మ‌ర్థ‌వంతంగా నిర్వ‌హించ‌గ‌ల‌డ‌ని ఆహా భావించింది. అందుకే ఆ బాధ్య‌త క్రిష్‌పై పెట్టింది. బాల‌య్య‌తో ఎన్టీఆర్ బ‌యోపిక్ తీశారు క్రిష్, గౌత‌మి పుత్ర శాత‌క‌ర్ణితో వారి అనుబంధం మొద‌లైంది. అందుకే.. క్రిష్ కే ఆ బాధ్య‌త అప్ప‌గించారు.
