నందమూరి బాలకృష్ణకి లార్జర్ దెన్ లైఫ్ ఇమేజ్ వుంది. అందుకే ఆయన బుల్లితెర వ్యాఖ్యాత అనగానే చాలా మంది ఆశ్చర్యపోయారు. అలా ఆశ్చర్యపోయిన వారిని ఇంకా ఆశ్చర్యపరుస్తూ.. ‘అన్ స్టాపబుల్’ షోతో ఓ సంచలనం సృష్టించారు బాలకృష్ణ. ఇప్పుడు మరో బుల్లితెర సంచలనానికి ఆయన సిద్ధమౌతున్నారు. నెక్స్ట్ తెలుగు బిగ్ బాస్ సీజన్ కి బాలకృష్ణ హోస్ట్ గా చేస్తారని తెలుస్తోంది.
తెలుగులో బిగ్ బాస్ షో చాలా పాపులర్ అయ్యింది. ఇప్పటివరకూ నాగార్జున, నాని, ఎన్టీఆర్.. ఈ ముగ్గురు ఈ షోని హోస్ట్ చేశారు. ఇందులో ఎక్కువ సీజన్స్ హోస్ట్ చేసింది నాగార్జున. ప్రస్తుతం జరుగుతున్న సీజన్ ని కూడా చాలా ఆసక్తికరంగా నడుపుతున్నారు.
అయితే నెక్స్ట్ సీజన్ కి తనకి బ్రేక్ కావాలని భావిస్తున్నారు నాగార్జున. అటు షో నిర్వాహకులు బాలకృష్ణ తో ఐతే కొత్తగా ఉంటుందని అనుకుంటున్నారు. దీనికి సంబంధించిన చర్చలు జరుగుతున్నాయి. బాలకృష్ణ హోస్ట్ చేయడం దాదాపు ఖాయమైనట్లే కనిపిస్తోంది. ఇదే జరిగితే నెక్స్ట్ సీజన్ మరింత పవర్ ఫుల్ అండ్ ఎంటర్ టైనింగ్ ఉండబోతుందని చెప్పడంలో ఎలాంటి సందేహం లేదు.
