త్రిష హీరోయిన్ గా నటించిన ‘నాయకి’ సినిమా త్వరలో ప్రేక్షకుల ముందుకు వచ్చేందుకు సిద్ధమవుతుంది. సినిమా ఆడియోను ఈ నెల 19న రిలీజ్ చేసే ఆలోచనలో ఉన్నారు దర్శక నిర్మాతలు. అయితే ఆడియోకి ముఖ్య అతిధిగా నందమూరి నట సింహం బాలకృష్ణను వచ్చే అవకాశలు ఉన్నాయని తెలుస్తుంది. కొత్త ప్రయోగాలను ఎప్పుడూ ప్రోత్సహించే బాలయ్య త్రిష లీడ్ రోల్ చేసిన నాయకికి కూడా తన ప్రోత్సాహం అందించనున్నట్టు తెలుస్తుంది.
త్రిష రెండు విభన్నమైన పాత్రల్లో నటిస్తున్న ఈ నాయకి తెలుగు తమిళ భాషల్లో రిలీజ్ అయ్యేందుకు సిద్ధమవుతుంది. రఘు కుంచె సంగీతం అందించిన ఈ సినిమాలో త్రిష కూడా తన గొంతు సవరించుకుని ఓ పాట పాడింది. ఇప్పటికే రిలీజ్ అయిన పోస్టర్స్, టీజర్ సినిమా మీద భారీ అంచనాలు ఏర్పడేలా చేశాయి. గోవి డైరెక్ట్ చేస్తున్న ఈ సినిమాను గిరిధర్, పద్మజ మామిడిపల్లి నిర్మిస్తున్నారు.
