టాలీవుడ్ ని క‌రోనా క‌మ్మేస్తోంది. సినీ స్టార్లు వ‌రుస‌గా కొవిడ్ బారీన ప‌డుతుండ‌డం.. టాలీవుడ్ ని క‌ల‌చివేస్తోంది. బండ్ల గ‌ణేష్ క‌రోనా బారీన ప‌డి కోలుకున్నారు. ఆ త‌ర‌వాత‌.. రాజ‌మౌళి, ఇత‌ర కుటుంబ స‌భ్యులు క‌రోనాకి గుర‌య్యారు. నిన్న‌టికి నిన్న హాస్య న‌టుడు ఫృథ్వీరాజ్ కీ క‌రోనా అని తేలింది. ఇప్పుడు దిగ్గ‌జ గాయ‌కుడు ఎస్‌.పి.బాల‌సుబ్ర‌హ్మ‌ణ్యంకీ క‌రోనా పాజిటీవ్ అని తేలింది. ఈ విష‌యాన్ని ఆయ‌న సోష‌ల్ మీడియాలో ధృవీక‌రించారు. “క‌రోనా ల‌క్ష‌ణాలు అతి స్ప‌ల్పంగా ఉన్నాయి. అందుకే ఆసుప‌త్రిలో చేరాను. భ‌య‌ప‌డాల్సిన ప‌నిలేదు. నేను బాగానే ఉన్నా. త్వ‌ర‌లోనే కోలుకుంటా“ అని అభిమానుల‌కు సందేశాన్ని పంపారు బాలు. నిన్న‌నే ఆసుప‌త్రిలో చేరిన ఫృథ్వీ ప‌రిస్థితి ఈరోజు కొంచెం మెరుగ‌య్యింది. “నేను ఫైట‌ర్‌ని. క‌రోనాతో పోరాడుతున్నా. నిన్న‌టి కంటే నా ఆరోగ్యం వేయి రెట్లు మెరుగ‌య్యింది. త్వ‌ర‌లోనే కోలుకుని బ‌య‌ట‌కు వ‌స్తా“ అని తాజాగా మ‌రో వీడియోని విడుద‌ల చేశారు ఫృథ్వీరాజ్‌. పాప్ గాయ‌ని స్మిత కూడా క‌రోనా బారీన ప‌డింది. ఈ విష‌యాన్ని ట్విట్ట‌ర్లో ధృవీక‌రించారు స్మిత‌.