న‌టుడు, నిర్మాత బండ్ల గ‌ణేష్‌కి క‌రోనా వ‌చ్చింద‌న్న వార్త‌లు టాలీవుడ్ లో క‌ల‌క‌లం సృష్టిస్తున్నాయి. బండ్ల‌కు ఏమైంది? అంటూ ఆరాలు మొద‌ల‌య్యాయి. నిజానికి రెండ్రోజుల క్రితం, కొన్ని ఆరోగ్య ప‌రీక్ష‌ల నిమిత్తం ఆసుప‌త్రికి వెళ్లాడ‌ట గ‌ణేష్‌. అయితే డాక్ట‌ర్ల స‌ల‌హా మేర‌కు.. ఎందుకైనా మంచిద‌ని క‌రోనా టెస్టులు చేయించుకుంటే.. పాజిటీవ్ అని తేలింది. గ‌ణేష్‌లో అస‌లు క‌రోనా ల‌క్ష‌ణాలే లేవ‌ని, కానీ పాజిటీవ్ అని తేల‌డంతో గ‌ణేష్ కి షాక్ కి గుర‌య్యాడు. వెంట‌నే కుటుంబ స‌భ్యుల‌కూ కరోనా ప‌రీక్ష‌లు నిర్వ‌హిస్తే, అదృష్ట‌వ‌శాత్తూ నెగిటీవ్ అని తేలింది. ప్ర‌స్తుతం కొంత‌మంది గ‌ణేష్ స్నేహితులు, గ‌ణేష్ వ్య‌క్తిగ‌త సిబ్బంది క‌రోనా ప‌రీక్ష‌లు చేయించుకుంటున్నారు. వాళ్ల రిజ‌ల్ట్ తేలాల్సివుంది. ప్ర‌స్తుతం త‌న ఇంట్లోనే గ‌ణేష్ డాక్ట‌ర్ల ప‌ర్య‌వేక్ష‌ణ‌లో చికిత్స తీసుకుంటున్నారు. పాత్రికేయులు, సినిమా వాళ్లు గ‌ణేష్ కి ఫోన్ చేసి యోగ క్షేమాలు తెలుసుకుంటున్నారు. అయితే.. పాత్రికేయుల‌కు మాత్రం ఆయ‌న ట‌చ్‌లో లేరు.