బెల్లంకొండ శ్రీ‌నివాస్ చేతిలో రెండు మూడు ప్రాజెక్టులు ఉన్నాయి. అందులో సాగ‌ర్ చంద్ర సినిమా ఒక‌టి. రేపు బెల్లంకొండ పుట్టిన రోజు. ఈ సంద‌ర్భంగా ఈ సినిమాకి సంబంధించిన టైటిల్ తో పాటుగా, ఫ‌స్ట్ లుక్ విడుద‌ల చేయ‌బోతున్నారు. ఈ సినిమాకి ‘టైస‌న్ నాయుడు’ అనే టైటిల్ ఫిక్స్ చేసిన‌ట్టు తెలుస్తోంది. ఈ టైటిలే… రేపు పోస్ట‌ర్‌పై చూసే ఛాన్స్ వుంది.

మ‌రోవైపు మున్నా ద‌ర్శ‌క‌త్వంలో బెల్లంకొండ హీరోగా ఏకే ఎంట‌ర్‌టైన్‌మెంట్స్ సంస్థ ఓ చిత్రాన్ని నిర్మిస్తోంది. ఇది దేవుళ్ల‌కు సంబంధించిన క‌థ‌. సోషియో ఫాంట‌సీ నేప‌థ్యంలో సాగుతుంది. దీని కోసం ‘దేవుడే దిగి వ‌చ్చినా’ అనే టైటిల్ రిజిస్ట‌ర్ చేయించిన‌ట్టు తెలుస్తోంది. ‘సంతోషం’ సినిమాలోని సూప‌ర్ హిట్ గీతాల్లో ఇదొక‌టి. ఆమ‌ధ్య ప‌వ‌న్ క‌ల్యాణ్ చేసిన `బ్రో` కోసం కూడా ముందు ఇదే టైటిల్ అనుకొన్నారు. కానీ చివ‌రికి యూత్ ఫుల్ గా ఉంటుంద‌ని ‘బ్రో’ ఫిక్స్ చేశారు. ఇప్పుడు ప‌వ‌న్ వ‌దిలేసిన టైటిల్… ఈ సినిమాకి పెట్టిన‌ట్టు తెలుస్తోంది. ‘టైస‌న్ నాయుడు’తో పాటుగా ఈ సినిమా కూడా స‌మాంత‌రంగా ప‌ట్టాలెక్కే ఛాన్స్ వుంది.