దర్శకుడు తేజ వ్యవహారం కాస్త డిఫరెంట్ గా వుంటుంది. ఆయన ఎవడి మాటా వినని సీతయ్య టైపు. సినిమా మొదలయ్యిందంటే ఆయన మాటే నెగ్గుతుంది. ఆయనే ఏదయినా చెప్పాలి. చేయాలి. నిర్మాతకు, హీరోకి పెద్దగా సీన్ వుండదు. ఇప్పుడు ఆయన ఎకె ఎంటర్ టైన్ మెంట్స్ లో సీత అనే సినిమా చేస్తున్నారు. బెల్లంకొండ శ్రీనివాస్, కాజల్ అగర్వాల్ కాంబినేషన్.
ఈ సినిమా ఇప్పటికి రెండుసార్లు ఇదిగో వస్తుదని, అదిగో వస్తుందని వినిపించి వాయిదా పడింది. ఇటీవల టీజర్ విడుదల చేసారు. ఏప్రియల్ 25 పక్కా అని కూడా వినిపించేసింది. కానీ ఇప్పుడు లేటెస్ట్ విషయం ఏమిటంటే సీత సినిమా మే 16కు వాయిదా పడిందని. ఏప్రియల్ 25న ఎవెంజర్స్ పెద్ద ఎత్తున విడుదలవుతోంది. అందువల్ల ఓవర్ సీస్ లో థియేటర్లు దొరకడం కష్టం.
ఇక్కడ కూడా ముందువారం నాని నటించిన జెర్సీ విడుదలవుతోంది. అది కూడా మల్టీ ఫ్లెక్స్ మూవీనే. కాంచన విడులవుతోంది. అది బి, సి సెంటర్ల సినిమా. ఇవన్నీ దృష్టిలో పెట్టుకుని మే 16 కు వెళ్తోంది అంటున్నారు. కానీ ఆ ముందు వారం మహేష్ బాబు సినిమా వుంది. తన సినిమాకు ముందు వారం, వెనుక వారం ఏ సినిమా రావడానికి మహేష్ బాబు ఒప్పుకోరని టాక్ ఇండస్ట్రీలో వుంది.
పైగా ఇది మహేష్ తో తరువాత సినిమా నిర్మించే ఏకె ఎంటర్ టైన్ మెంట్స్ సినిమా. అందువల్ల మహేష్ ను ఇబ్బంది పెట్టే పని వారు పొరపాటున కూడా చేయరు. అందువల్ల మే 16న కూడా వస్తుందన్నది డౌటే. ఆ తరువాత వారం మీద రుమాలు వేసుకోవాలేమో?
