బెల్లంకొండ సాయి శ్రీ‌నివాస్ క‌థానాయ‌కుడిగా ‘నాంది’ ఫేమ్ విజ‌య్ క‌న‌క‌మేడ‌ల ద‌ర్శ‌క‌త్వంలో ఓ చిత్రం రూపుదిద్దుకొంటోంది. నారా రోహిత్‌, మంచు మ‌నోజ్ కీల‌క పాత్ర‌లు పోషిస్తున్నారు. కె.కె.రాధా మోహ‌న్ నిర్మాత. ఈ సినిమా కోసం చాలా టైటిళ్లు ప‌రిశీలించారు. చివ‌రికి ‘భైర‌వం’ అనే టైటిల్ ఫిక్స్ చేసిన‌ట్టు తెలుస్తోంది. ఈరోజు సాయింత్రం టైటిల్ ని అధికారికంగా ప్ర‌క‌టిస్తారు. దాంతో పాటుగా ఫ‌స్ట్ లుక్ కూడా విడుద‌ల చేస్తారు.
త‌మిళంలో ఘ‌న విజ‌యం సాధించిన ‘గ‌రుడ‌న్‌’కు ఇది రీమేక్. తెలుగులో కూడా ‘గ‌రుడ’ అనే టైటిల్ పెడ‌దామ‌నుకొన్నారు. కానీ అది ఆల్రెడీ రిజిస్ట‌ర్ చేయించేశారు. ‘వీర శూర క‌ర్ణ’ అనే టైటిల్ అనుకొన్నారు. అయితే.. ఈ టైటిల్ కూడా ఎవ‌రో రిజిస్ట‌ర్ చేయించిన‌ట్టు తెలుస్తోంది. చివ‌రికి ‘భైర‌వం’ అనే టైటిల్ ఫిక్స్ చేశారు. ముగ్గురు స్నేహితుల క‌థ ఇది. స్నేహం, న‌మ్మ‌క ద్రోహం..ఈ నేప‌థ్యంలో క‌థ సాగుతుంది. క్లైమాక్స్ చాలా హార్ట్ ట‌చింగ్ గా ఉండ‌బోతోంది. ఈ సంక్రాంతికి ఈ చిత్రాన్ని విడుద‌ల చేసే అవ‌కాశాలు ఉన్నాయి. రిలీజ్ డేట్ విష‌యంలోనూ ఈ రోజే ఓ స్ప‌ష్ట‌త వ‌స్తుంద‌ని స‌మాచారం.
