ఈ మధ్య తెలుగులో సీక్రెట్ ఏజెంట్ కథలు ఎక్కువైపొతున్నాయి. ఇది పాన్ ఇండియా జోనర్ కావడంతో హీరోల కూడా ఆసక్తి చూపిస్తున్నారు. ఈమధ్య వచ్చిన ఏజంట్, స్పై చిత్రాలు ఈ జోనర్ లో నిరాశ పరిచాయి. ఐతే ఈ జోనర్ గిరాకీ తగ్గలేదు. ఇప్పుడు హీరో బెల్లం కొండశ్రీనివాస్ లిస్టు లో కూడా ఓ ఏజెంట్ కథ వుంది.
‘పరంపర’ వెబ్ సిరిస్ తో ఆకట్టుకున్న విశ్వకి దర్శకుడిగా అవకాశం ఇచ్చాడు బెల్లంకొండ. ఇది సీక్రెట్ ఏజెంట్ కథ అని తెలుస్తోంది. ఇందులో హీరోది డబుల్ రోల్ వుండే ఛాన్స్ వుంది. ఇటీవలే హిందీ ఛత్రపతితో బాలీవుడ్ లో ఓ డిజాస్టర్ ని ఎదురుకున్నాడు శ్రీనివాస్. అక్కడ మళ్ళీ ఎలాగైనా ఒక సినిమాతో నిరూపించుకోవాలనే ఆలోచనతో వున్నాడు.
ఇప్పుడు విశ్వ దర్శకత్వంలో రెడీ అయ్యే సినిమాని తెలుగుతో పాటు బాలీవుడ్ లో కూడా ఏకకాలంలో విడుదల చేసేలా ప్లాన్ చేస్తున్నారని టాక్. విశ్వ చెప్పినన కథకు యూనివర్సల్ అప్పీల్ వుండటంతోనే త్వరగా ఆ సినిమాని పట్టాలెక్కించి పూర్తి చేయాలనే క్రుతనిశ్చయంతో వున్నాడు శ్రీనివాస్.
