భలే భలే మగాడివోయ్ సినిమా కలెక్షన్స్ పరంగా ఓ రేంజ్ మోత మోగించిందని తెలిసిందే. సినిమా బడ్జెట్ కి దాదాపు 6 రెట్లు అధికంగా లాభాలను తీసుకువచ్చింది ఈ సినిమా. నాని, లావణ్య త్రిపాటి జంటగా నటించిన ఈ సినిమా మారుతి దర్శకత్వం వహించాడు. సినిమా మొత్తం కామెడీతో నింపి ప్రేక్షకులను కడుపుబ్బా నవ్వించిన మారుతి ఈ సినిమాతో స్టార్ దర్శకుడిగా అవతరించాడనడంలో సందేహం లేదు. అయితే సినిమా ఎంత లాభాలు తెచ్చిపెట్టిందో తెలిసుకుని అందరు ఆశ్చర్యపోతున్నారు.
సినిమా బడ్జెట్ మొత్తం 6 కోట్లు అయిన భలే భలే మగాడివోయ్ సినిమా ఒక్క ఓవర్సీస్ లోనే 9 కోట్ల కలెక్షన్స్ ని తెచ్చుకుంది. ఓవర్సీస్ లో దానితో లాభాల పంట పడితే ఇక ఏపి, తెలంగాణాలో వచ్చిందంతా లాభమే అన్న మాట. అల్లు అరవింద్ సమర్పణలో గీతా ఆర్ట్స్ రెండో బ్యానర్లో యువి ఆర్ట్స్ క్రియేషన్ వారు బన్నీ వాసు కలిసి నిర్మించిన ఈ సినిమా టోటల్ 50 కోట్ల కలెక్షన్స్ ని సాధించింది.
రీసెంట్ గా 50 రోజులను కంప్లీట్ చేసుకున్న ఈ సినిమా లో బడ్జెట్ మూవీలో ఒక అద్భుత విజయం నమోదు చేసుకుని చిన్న సినిమాల్లో మరో బాహుబలిగా పేరు సంపాధించింది. సినిమాతో నానికి సూపర్ క్రేజ్ వచ్చింది. అందుకే మనోడు రెమ్యునరేషన్ కూడా పెంచాడని అంటున్నారు.
