సూపర్ స్టార్ కుటుంబం నుండి వచ్చిన హీరో సుధీర్ బాబు.. సినిమాలైతే చేస్తున్నాడు కాని ఇప్పటికీ ఒక ప్రత్యేకమైన ఇమేజ్ ని సొంతం చేసుకోలేకపోయాడు.. ఈ సంవత్సరం ఇప్పటికే రెండు సినిమాలతో ప్రేక్షకుల ముందుకు వచ్చిన సుధీర్ బాబు ప్రస్తుతం ‘భలే మంచి రోజు’ మరోసారి తన అదృష్టాన్ని పరీక్షించుకోబోతున్నాడు. ఫస్ట్ లుక్ పోస్టర్ నుండి సినిమా కొత్తగా ఉంటుందనే భావనని కలిగించిన దర్శకుడు శ్రీ రామ్ ఆదిత్య సినిమా హిట్ అవుతుందనే నమ్మకంతో ఉన్నాడు.
భలే మంచి రోజు ఆడియో కూడా సూపర్ స్టార్ మహేష్ తో విడుదల చేయించారు చిత్ర దర్శక నిర్మాతలు. ఇన్ని సానుకూల అంశాలు తోడైనా ఈ చిత్రానికి మరో ఆఫర్ కూడా వచ్చింది. పరిశ్రమలో పెద్ద నిర్మాత, గొప్ప డిస్ట్రిబ్యూటర్ గా క్రేజ్ ఉన్న దిల్ రాజు ఈ సినిమాను విడుదల చేస్తున్నాడు. నైజాం ఏరియాలో ఈ సినిమాను ఫాన్సీ ఎమౌంట్ కి ఈ చిత్ర హక్కులను పొందాడట దిల్ రాజు.
దిల్ రాజు డిస్ట్రిబ్యూట్ చేశాడంటే సినిమా హిట్ అనే సెంటిమెంట్ ఉంది. సినిమాకు అన్ని కలిసొచ్చే అంశాలు కనిపిస్తున్నాయి. సుధీర్ కూడా ఈ సినిమాతో కచ్చితంగా హిట్ కొట్టాలనే కసితో ఉన్నాడు. ఈ నెల 25న విడుదలవుతున్న ఈ సినిమా ఎలాంటి ఫలితాన్నిస్తుందో చూడాలి.
