సూపర్ స్టార్ ఫ్యామిలీ నుండి వచ్చిన హీరో సుధీర్ బాబు తన సొంత ఇమేజ్ కోసం బాగా ప్రయత్నం చేస్తున్నాడు. ప్రస్తుతం పోటీ పడుతున్న కుర్ర హీరోల్లో తనకంటూ ఓ స్పెషల్ క్రేజ్ ను తెచ్చుకోవడం కోసం తను పడే తపన చాలా బాగుంటుంది. ఎంత కష్ట పడ్డా సినిమాలే ఆడియెన్స్ కి రీచ్ అవ్వలేకపోతున్నాయి. ఈ ఇయర్లో వచ్చిన మోసగాళ్లకు మోసగాడు, కృష్ణమ్మ కలిపింది ఇద్దరిని సినిమాలతో వచ్చినా లాభం లేకపోయింది. కృష్ణమ్మ కలిపింది ఇద్దరినీ సినిమా కమర్షియల్ గా సక్సెస్ అవ్వకపోయినా సుధీర్ బాబుకి మంచి పేరు తెచ్చిపెట్టింది.

ప్రస్తుతం సుధీర్ బాబు భలే మంచి రోజు సినిమా చేస్తున్నాడు. ఈరోజు రిలీజ్ చేసిన ఈ టీజర్ ఆడియెన్స్ ని ఆకట్టుకుంటుంది. కేవలం ఒక్క రోజులో జరిగే సంఘటనల ఆధారంగా తెరకెక్కించిన సినిమాగా భలే మంచి రోజు రూపొందించబడుతుంది. శ్రీరామ్ ఆదిత్య డైరెక్ట్ చేస్తున్న ఈ సినిమా 70 ఎం.ఎం ఎంటర్టైన్మెంట్ బ్యానర్లో విజయ్, శశి నిర్మిస్తున్నారు. టీజర్ చూస్తుంటే ఫ్రెష్ ఫీలింగ్ తో ప్రేక్షకులను ఆకట్టుకుంటుంది.

ఒక్క నిమిషం టీజర్లోనే సినిమా కథ కథనాలు చాలా గొప్పగా కనిపిస్తున్నాయి.. మరి సినిమా ఎలా ఉంటుందో చూడాలి. సాయి కుమార్, పరుచూరి గోపాలకృష్ణ లాంటి నటులు కూడా భాగమైన ఈ సినిమా ప్రేక్షకులకు ఎలాంటి అనుభూతిని కలిగించనుందో చూడాలి. శరవేగంగా షూటింగ్ జరుపుకుంటున్న ఈ సినిమా అన్ని హంగులు ముగించుకుని డిసెంబర్లో రిలీజ్ చేసేందుకు సన్నాహాలు చేస్తున్నారు.