ప‌ద్ధ‌తైన పాత్ర‌ల్లో భ‌లే బాగా సెట్ట‌యిపోయేది భూమిక‌. స్టార్ హీరోల స‌ర‌స‌నా న‌టించే అవ‌కాశాల్ని అందుకొంది. సింహాద్రి, ఖుషీ లాంటి సూప‌ర్ డూప‌ర్ హిట్ చిత్రాలు భూమిక ఖాతాలో ఉన్నాయి. మిస్స‌మ్మ‌లాంటి లేడీ ఓరియెంటెడ్ చిత్రాల‌తోనూ ఆక‌ట్టుకొంది. అవార్డులు అందుకొంది. భ‌ర‌త్ ఠాకూర్‌తో పెళ్ల‌య్యాక న‌ట‌న‌కు దూర‌మైంది. త‌కిట త‌కిట సినిమా తీసి ఆర్థికంగా చాలా న‌ష్ట‌పోయింది. ఇన్నాళ్ల‌కు మ‌ళ్లీ కెమెరా ముందుకు వ‌స్తోంది భూమిక‌. అదీ.. నాని సినిమా కోసం. నాని క‌థానాయ‌కుడిగా శ్రీ‌రామ్ వేణు ద‌ర్శ‌క‌త్వంలో ఎంసీఏ చిత్రం ఈ రోజే ప్రారంభ‌మైంది. ఇందులో భూమిక ఓ కీల‌క‌మైన పాత్ర ద‌క్కించుకొంది. సీనియ‌ర్ న‌టీన‌టులు రాజేంద్ర ప్ర‌సాద్‌, ఆమ‌ని, న‌రేష్ కూడా ఈ సినిమాలో కీల‌క పాత్ర‌లు పోషిస్తున్నారు. అమ్మ‌, అత్త పాత్ర‌ల‌కు భ‌లే డిమాండ్ పెరిగిపోయింది టాలీవుడ్‌లో. అందుకే సినిమాల‌కు గుడ్ బై చెప్పేసిన న‌టీమ‌ణులు కూడా మ‌ళ్లీ తెర‌పై సంద‌డి చేసే అవ‌కాశం ద‌క్కుతోంది. ఈ రీ ఎంట్రీని భూమిక ఎంత వ‌ర‌కూ నిలుపుకొంటుందో చూడాలి.