హిందీ బుల్లితెర మీద హిట్టయిన రియాలిటీ షో ‘బిగ్ బాస్’ తెలుగులోనూ హిట్టయ్యింది. యంగ్ టైగర్ ఎన్టీఆర్ తన యాంకరింగ్‌తో షోని ఇంట్రెస్టింగ్‌గా చేశాడు. త్వరలో ‘బిగ్ బాస్’ సెకండ్ సీజన్ స్టార్ట్ కాబోతోంది. ఎన్టీఆర్ ప్లేసులో హోస్ట్‌గా నాని వస్తాడనేది అందరికీ తెలిసిన వార్తే. అయితే… ఎన్టీఆర్ కంటే ‘బిగ్ బాస్’ హౌస్‌లో నాని ఎక్కువ రోజులు వుండాలి. ఎందుకంటే… సెకండ్ సీజన్ కోసం షో ఫార్మాట్ మారింది. ఈసారి ఎక్కువ రోజులు ప్రసారం కానుంది. ఎన్టీఆర్ హోస్ట్ చేసిన ‘బిగ్ బాస్’ ఫస్ట్ సీజన్‌ని 70 డేస్ ఫార్మాట్‌లో కంప్లీట్ చేశారు. సెకండ్ సీజన్ కోసం మరో ముప్ఫై రోజులు ఫార్మాట్‌ని పెంచారు. 100 డేస్ ఫార్మాట్‌లో నాని హోస్ట్ చేయబోయే ‘బిగ్ బాస్’ సీజన్ నడుస్తుంది. వీకెండ్స్ మాత్రమే హోస్ట్ ‘బిగ్ బాస్’ హౌస్‌లో కనిపిస్తారు. ఈ లెక్కన 30 రోజులు షోని పొడిగిస్తే.. ఎన్టీఆర్ కంటే మినిమమ్ ఎనిమిది రోజులు ఎక్కువగా నాని ‘బిగ్ బాస్’ హౌస్‌లో వుండాలి. హైదరాబాద్‌లోని ప్రముఖ స్టూడియోలో జూన్ 10 నుంచి సెకండ్ సీజన్ స్టార్ట్ కానుంది. ఆ రోజే హౌస్‌లో వుండబోయే పార్టిసిపెంట్స్ లిస్ట్ బయటకు వస్తుందని సమాచారం.