క‌ల్యాణ్ రామ్ కెరీర్‌లో బిగ్గెస్ట్ హిట్ గా నిలిచింది ‘బింబిసార‌’. వ‌శిష్ట ఈ సినిమాతో ద‌ర్శ‌కుడిగా ప‌రిచ‌యం అయ్యాడు. ఈ హిట్ తోనే వ‌శిష్ట చిరంజీవితో సినిమా చేసే ఛాన్స్ అందుకొన్నాడు. ఇప్పుడు ‘బింబిసార 2’ ప‌ట్టాలెక్కుతోంది. అయితే ఈ చిత్రానికి వ‌శిష్ట ద‌ర్శ‌కుడు కాదు. అనిల్ ద‌ర్శ‌కత్వం వ‌హిస్తున్నారు. ఈరోజు క‌ల్యాణ్ రామ్ పుట్టిన రోజు. ఈ సంద‌ర్భంగా ‘బింబిసార 2’కి సంబంధించిన అధికారిక ప్ర‌క‌ట‌న వ‌చ్చేసింది.

అయితే ఇది సీక్వెల్ కాదు, ప్రీక్వెల్. బింబిసార ఫ్యూచ‌ర్‌లోకి వ‌స్తే ఏమిట‌న్న‌ది ‘బింబిసార 1’లో చూశాం. ఇప్పుడు ‘బింబిసార‌’ గ‌తంలోకి వెళ్తే ఏమిట‌న్న‌ది ‘బింబిసార 2’ క‌థ‌. క‌ళింగ సామ్రాజ్యంతో ఈ క‌థ ముడిప‌డి ఉంటుంది. ఈ క‌థ పూర్తిగా ఆ కాలం చుట్టూనే తిర‌గ‌బోతోంద‌ని స‌మాచారం. ‘బింబిసార 2’కోసం వ‌శిష్ట ఓ లైన్ సిద్ధం చేశాడు. ఆ క‌థ‌కూ.. ఈ క‌థ‌కూ ఏమాత్రం సంబంధం లేద‌ని తెలుస్తోంది. ఇది పూర్తిగా కొత్త క‌థ‌. క‌ల్యాణ్ రామ్ న‌టించే 22వ సినిమా ఇది. కొస‌రాజు హ‌రికృష్ణ నిర్మాత‌. ఈయ‌న క‌ల్యాణ్ రామ్ కి అత్యంత స‌న్నిహితుడు. ప్ర‌స్తుతం క‌ల్యాణ్ రామ్ ప్ర‌దీప్ చిలుకూరి ద‌ర్శ‌క‌త్వంలో ఓ సినిమా చేస్తున్నాడు. విజ‌య‌శాంతి కీల‌క పాత్ర‌ధారి. దీనికి `మెరుపు` అనే టైటిల్ ప‌రిశీల‌న‌లో ఉంది. ఈ సినిమా పూర్త‌య్యాకే ‘బింబిసార 2’ మొద‌ల‌వుతుంది.