మ‌హేష్‌బాబు లాంటి స్టార్‌తో సినిమా చేయాల‌ని ఏ ద‌ర్శ‌కుడికి ఉండ‌దు చెప్పండి?? మ‌హేష్ డేట్స్ ఇస్తే చాల‌నుకొంటారు నిర్మాత‌లు. మ‌హేష్ క‌థ విన‌డానికి ఓకే అంటే.. అదృష్ట‌మ‌ని పొంగిపోతారు ద‌ర్శ‌కులు. మ‌హేష్ తో సినిమా చేశాక పెద్ద పెద్ద స్టార్లుగా మారారు కొంత‌మంది ద‌ర్శ‌కులు. ఇప్పుడు బోయ‌పాటి శ్రీ‌ను కూడా మ‌హేష్‌తో సినిమా చేయ‌డానికి త‌హ‌త‌హలాడున్నాడు. ఇది వ‌ర‌కే మ‌హేష్‌ని క‌ల‌సి కొన్ని క‌థ‌లు వినిపించాడు బోయ‌పాటి. ద‌మ్ము, స‌రైనోడు క‌థ‌లు మ‌హేష్ కూడా విన్నాడ‌ట‌. ‘మ‌రీ ఇంత యాక్ష‌న్ వ‌ద్దు.. కాస్త డోసు త‌గ్గించి చెప్పండి’ అంటూ మ‌హేష్ స‌ల‌హా ఇచ్చాడ‌ట‌. దాంతో మ‌హేష్ శైలికి స‌రిప‌డే క‌థల్ని సిద్ధం చేసుకొనే ప‌నిలో ప‌డ్డాడు బోయ‌పాటి.

ఇటీవ‌ల రెండు క‌థ‌ల్ని మ‌హేష్ కోసం లాక్ చేశాడ‌ని తెలుస్తోంది. మురుగ‌దాస్‌తో సినిమా పూర్త‌యిన వెంట‌నే కొర‌టాల సినిమాని ప‌ట్టాలెక్కిస్తాడు మ‌హేష్‌. ఈలోగా మ‌హేష్‌కి క‌థ‌ని వినిపించి ‘ఓకే’ చేయించుకోవాల‌ని చూస్తున్నాడు బోయ‌పాటి. బెల్లం కొండ శ్రీ‌నివాస్ తో ప్ర‌స్తుతం ఓ సినిమాని తెర‌కెక్కిస్తున్నాడు బోయ‌పాటి. చిరంజీవి 152వ సినిమాకి ద‌ర్శ‌కుడిగా బోయ‌పాటి పేరు ప‌రిశీల‌న‌లో ఉంది. మ‌రి మ‌హేష్ సినిమా క‌ల ఎప్పుడు నెర‌వేరుతుందో..??