బోయపాటి శ్రీను ఖాతాలో ఇప్పటివరకూ వున్న విజయాల్లో ఎక్కువ వాటా నందమూరి బాలకృష్ణ చిత్రాలే. వీరి కాంబినేషన్ లో వచ్చిన మూడు సినిమాలు సింహ, లెజెండ్, అఖండ.. సూపర్ హిట్స్ సాధించాయి. అపజయం ఎరుగని కాంబినేషన్ వీరిది.
ఐతే ఈ కాంబినేషన్ తో బోయపాటికి ఒక బ్యాడ్ సెంటిమెంట్ కూడా వుంది. బాలయ్యతో హిట్టుకొట్టిన తర్వాత బోయపాటి మరో హీరోతో చేసిన సినిమాలు దెబ్బకొట్టాయి. సింహా తర్వాత చేసిన దమ్ము సినిమా డిజాస్టర్. ఈ రిజల్ట్ తో కోలుకోవడానికి చాలా సమయమే పట్టింది.
బోయపాటి గత సినిమా అఖండ బ్లాక్ బస్టర్. కరోనా తర్వాత థియేటర్స్ కి పునర్ వైభవం తెచ్చిన సినిమా ఇది. ఇప్పుడు రామ్ తో స్కంద చేస్తున్నారు బోయపాటి. టీజర్ ట్రైలర్ అన్నీ ఆయన మార్క్ లోనే వున్నాయి. ఐతే ఈసారి ఆ బ్యాడ్ సెంటిమెంట్ ని దాటేయాలనే కోరుకుందాం.
