ఇటీవ‌ల ముంబైలో గుండె ఆప‌రేష‌న్ చేయించుకున్నారు ప్ర‌ముఖ హాస్య‌న‌టుడు బ్ర‌హ్మానందం. అప్ప‌టి నుంచి ఆయ‌న ఆరోగ్యంపై చిల‌వ‌లు ప‌ల‌వ‌లుగా వార్త‌లొస్తూనే ఉన్నాయి. బ్ర‌హ్మానందం ఆరోగ్యం క్షీణించింద‌ని, అందుకే ఆయ‌న ముంబైలోనే ఉండిపోయార‌ని గుస‌గుస‌లు వినిపించాయి. వాటికి ఇక పుల్ స్టాప్ ప‌డిన‌ట్టే. ఎందుకంటే బ్ర‌హ్మానందం క్షేమంగా ఇంటికి చేరుకున్నారు. ఈరోజు ఉద‌యం ఆయ‌న హైద‌రాబాద్ తిరిగొచ్చారు. బ్ర‌హ్మానందం ఆరోగ్యం కుదుట‌గానే ఉంద‌ని, త్వ‌ర‌లో ఆయ‌న షూటింగుల‌కు కూడా పాల్గొంటార‌ని స‌న్నిహితులు చెబుతున్నారు. ఈరోజు ఉద‌య‌మే ప్ర‌ముఖ న‌టుడు, నిర్మాత‌, బ్ర‌హ్మానందానికి అత్యంత స‌న్నిహితుడు మోహ‌న్‌బాబు బ్ర‌హ్మానందం ఇంటికి వెళ్లి ప‌రామ‌ర్శించి వ‌చ్చారు. ఆ ఫొటో ఇప్పుడు సోష‌ల్ మీడియాలో చ‌క్క‌ర్లు కొడుతోంది.