స్టార్ కమెడియన్ గా బ్రహ్మానందం ప్రస్థానం అందరికి తెలిసిందే.. బ్రహ్మి నవ్వులతో బ్లాక్ బస్టర్ ఆడిన బొమ్మలు ఎన్నో ఉన్నాయ్.. స్టార్ హీరోల సినిమాలే కాదు బ్రహ్మి కుర్ర హీరోల సినిమాల్లో కూడా తన హవా కొనసాగించాడు. ఇక బ్రహ్మానందం సపోర్ట్ తో స్టార్ గా ఎదిగిన హీరోలు ఉన్నారు. అయితే అనుకోకుండా బ్రహ్మానందంకు బ్యాడ్ టైం స్టార్ట్ అయ్యింది. కొద్దికాలంగా చేస్తున్న సినిమాలేవి బాక్సాఫీస్ దగ్గర సందడి చేయట్లేదు. బ్రహ్మి చేస్తున్న పెద్ద సినిమాలు చిన్న సినిమాలు ప్రేక్షకాదరణ పొందట్లేదు.
రేసుగుర్రంలో నవ్వులు పండించిన బ్రహ్మానందం లౌఖ్యం సినిమాలో కూడా పర్వాలేదనిపించుకున్నాడు. ఇక ఆ తర్వాత సినిమాలైతే చేస్తున్నాడు కాని బ్రహ్మి పని అయిపోయింది అన్నంతలా ఫలితాలు రుచి చూశాడు. అయితే ఇక ఈ బ్యాడ్ టైం పవర్ స్టార్ పవన్ కళ్యాణ్ సర్దార్ గబ్బర్ సింగ్ సినిమాతో బ్రేక్ చేస్తానంటున్నాడట బ్రహ్మానందం.. సర్దార్ సినిమాలో స్పెషల్ రోల్ చేస్తున్న బ్రహ్మానందం తన కెరియర్ కు బూస్టప్ ఇచ్చేలా సినిమాలో రోల్ ప్లాన్ చేశారట. సినిమా హిట్ అయితే బ్రహ్మి మళ్లీ తన ఫాంలోకి వచ్చేసినట్టే. మరి సర్దార్ సినిమా ఫలితం అటు పవర్ స్టార్ కే కాదు బ్రహ్మానందంకు కీలకమైనదన్నమాట.
