సూపర్ స్టార్ మహేష్ నటిస్తున్న బ్రహ్మోత్సవం సినిమా టాకీ పార్ట్ కంప్లీట్ చేసుకుంది. పూణెలో సాంగ్ మేకింగ్ లో ఉన్న ఈ చిత్రయూనిట్ సినిమా ఆడియోను మే 1న రిలీజ్ చేయాలనుకుంటున్నారన్న సంగతి తెలిసిందే. అయితే మొన్నటిదాకా బ్రహ్మోత్సవం ఆడియో వేదిక తిరుపతిలో అన్న యూనిట్ ఇప్పుడు సడెన్ గా హైదరాబాద్ లోనే ఆడియో రిలీజ్ చేసే కార్యక్రమాలను చేస్తున్నట్టు సమాచారం. అయితే ఆడియో ఎక్కడ అన్నది దర్శక నిర్మాతలు అధికారికంగా ప్రకటించలేదు.
శ్రీకాంత్ అడ్డాల దర్శకత్వం వహిస్తున్న ఈ సినిమాలో సమంత, కాజల్, ప్రణీతలు హీరోయిన్స్ గా నటిస్తున్నారు. ఫ్యామిలీ ఎంటర్టైనర్ గా రాబోతున్న ఈ సినిమాను పివిపి బ్యానర్ లో పరం వి పొట్లూరి నిర్మిస్తుండగా మిక్కి జె మేయర్ సంగీతం అందిస్తున్నారు. అన్ని కుదిరితే మే 13న సినిమా కూడా రిలీజ్ చేసే ఆలోచన్లో ఉన్నట్టు తెలుస్తుంది. అయితే ఇప్పటివరకు సినిమా ఆడియో రిలీజ్, సినిమా రిలీజ్ డేట్స్ ను అఫిషియల్ గా ఎనౌన్స్ చేయలేదు.
