సూపర్ స్టార్ మహేష్ నటిస్తున్న బ్రహ్మోత్సవం సినిమా గురించి ఎప్పుడు ఎలాంటి అప్డేట్ వస్తుందా అని ఘట్టమనేని అభిమానులంతా ఈగర్ గా వెయిట్ చేస్తుంటారు. అయితే అలాంటి వారికోసమే ఈ స్పెషల్ న్యూస్.. అదేంటంటే మహేష్ నటిస్తున్న బ్రహ్మోత్సవం మంచి కుటుంబ కథా చిత్రంగా వస్తుంది. సినిమా క్లైమాక్స్ లో మహేష్ ప్రేక్షకుల చేత కన్నీళ్లు పెట్టించేలా మ్యాజిక్ చేస్తాడట. కథ కథనాల్లో గ్రిప్ ఉన్న దర్శకుడు శ్రీకాంత్ అడ్డాల తన సున్నితమైన భావోద్వేగాలతో సినిమాలను సూపర్ హిట్స్ చేసుకుంటూ వస్తున్నాడు.
బ్రహ్మోత్సవంలో కూడా అదే ఫార్ములా ఫాలో అవుతున్నాడు దర్శకుడు శ్రీకాంత్ అడ్డాల. ఇక సినిమా ఓ లవ్ స్టోరీ అంటూ చెబుతున్న చిత్ర యూనిట్ ప్రస్తుతం ఈ క్లైమాక్స్ షూట్ రామోజి ఫిల్మ్ సిటీలో చేస్తున్నారట. సమంత, కాజల్, ప్రణీత హీరోయిన్స్ గా నటిస్తున్న ఈ బ్రహ్మోత్సవం సినిమాను పివిపి బ్యానర్ లో పరం వి పొట్లూరి నిర్మిస్తున్నారు.
మిక్కి జె మేయర్ సంగీతం అందిస్తున్న ఈ సినిమా ఏప్రిల్ ఎండింగ్ లో రిలీజ్ చేసే ఆలోచనలో ఉన్నారు దర్శక నిర్మాతలు. ఇక ఈ ప్రాజెక్ట్ తర్వాత మహేష్ ప్రెస్టిజియస్ మురుగదాస్ సినిమాకు రంగం సిద్ధం చేసుకుంటున్నాడు. ఇప్పటికే మహేష్, మురుగదాస్ సినిమాకు ప్రి ప్రొడక్షన్ వర్క్ స్టార్ట్ అయినట్టు సమాచారం.
