మ‌హేష్ బాబు – బ్ర‌హ్మోత్స‌వం ఆడియో ఎప్పుడు? ఎక్క‌డ‌? ఈ విష‌యంపై మ‌హేష్ ఫ్యాన్స్ కాస్త క‌న్‌ఫ్యూజ‌న్‌లో ఉన్నారు. మే 1 న తిరుప‌తిలో ఆడియో వేడుక జ‌ర‌పాల‌ని చిత్ర‌బృందం నిర్ణ‌యించుకొంది. అయితే.. ఇప్పుడు ఆ నిర్ణ‌యాన్ని మార్చుకొని ఆడియో వేదిక హైద‌రాబాద్‌కు మార్చింది. ఇప్పుడు మ‌హేష్ బాబు కూడా డేట్ అండ్ ప్లేస్ రెండూ ఫిక్స్ చేసేశాడు. మే 6వ తేదీన హైద‌రాబాద్‌లోని శిల్ప‌క‌ళావేదిక‌లో బ్ర‌హ్మోత్స‌వం ఆడియో వేడుక నిర్వ‌హించ‌బోతున్నారు. ఇప్ప‌టికే శిల్ప‌క‌ళావేదిక ప‌ర్మిష‌న్లు కూడా తీసుకొన్న‌ట్టు టాక్‌. దాంతో.. ఈ క‌న్‌ఫ్యూజ‌న్‌కు తెర‌ప‌డిన‌ట్టైంది. మే 31న కృష్ణ పుట్ట‌న రోజు సంద‌ర్భంగా ఈ చిత్రాన్ని విడుద‌ల చేయాల‌నుకొంటున్నారు. అయితే అంత‌కు ముందే ఈ సినిమాని రిలీజ్ అవ‌కాశాలున్నాయ‌ని తెలుస్తోంది. మే 20న బ్ర‌హ్మోత్స‌వం ప్రేక్ష‌కుల ముందుకు వ‌చ్చే అవ‌కాశం ఉంది. శ్రీ‌కాంత్ అడ్డాల ద‌ర్శ‌క‌త్వం వ‌హిస్తున్న ఈ చిత్రంలో స‌మంత‌, కాజ‌ల్‌, ప్ర‌ణీత క‌థానాయిక‌లుగా న‌టిస్తున్నారు. మిక్కీ జె.మేయర్ సంగీతం అందించాడు.