సూపర్ స్టార్ మహేష్ నటిస్తున్న బ్రహ్మోత్సవం మొన్నటిదాకా మే 6న అని కొందరు.. కాదు మే నెల చివరని మరికొందరు అనడం జరిగింది. అంతేకాదు సినిమా రిలీజ్ డేట్ పట్ల వస్తున్న కన్ ఫ్యూజన్ అభిమానుల్లో కంగారు కలిగేలా చేసింది. ఇక ఇప్పుడు ఎట్టకేలకు బ్రహ్మోత్సవం మే 13న రిలీజ్ ఫిక్స్ చేశారని తెలుస్తుంది. మే 1న తిరుపతిలో ఆడియో రిలీజ్ చేసి, మే 13న సినిమాను రిలీజ్ చేసే ఆలోచనలో ఉన్నారట చిత్రయూనిట్.
సీతమ్మ వాకిట్లో సిరిమల్లె చెట్టు దర్శకుడు శ్రీకాంత్ అడ్డాల్ డైరెక్ట్ చేస్తున్న ఈ సినిమా కుటుంబ కథా చిత్రంగా రాబోతుంది. మహేష్ కెరియర్ లోనే ముగ్గురు భామలతో రొమాన్స్ చేసే సినిమాగా ఇది క్రేజ్ సంపాదించింది. సమంత, కాజల్, ప్రణీత హీరోయిన్స్ గా నటిస్తున్న ఈ సినిమాకు మిక్కి జె మేయర్ సంగీతాన్ని అందిస్తున్నారు. పివిపి బ్యానర్లో పరం వి పొట్లూరి నిర్మిస్తున్న ఈ సినిమాను తెలుగు తమిళ భాషల్లో ఒకేరోజు రిలీజ్ చేసేలా ప్లాన్ చేస్తున్నారు.
