చిత్ర పరిశ్రమలో ఓ హిట్ వస్తే హిట్ సాధించాలన్న కసి, పోటీ పెరిగినా ఓ ఆరోగ్యకరమైన పోటీతత్వం అనేది ఏర్పడుతుంది. ఒక హీరో హిట్ కొట్టాడు అదే జోష్ తో మరో హీరో కూడా హిట్ కొట్టేందుకు ఉత్సాహంతో షూటింగ్ చేస్తారు. హిట్ ఇచ్చే కిక్ అది తమ సినిమా కాకపోయినా దాన్ని ఎంజాయ్ చేస్తే అది ఇచ్చే జోష్ మరోలా ఉంటుంది. ఇప్పుడు ఊపిరి హిట్ బ్రహ్మోత్సవం టీంలో ఇలాంటి ఉత్సాహాన్నే నింపిందని తెలుస్తుంది. కేవలం బ్రహ్మోత్సవం టీం మాత్రమే ఎందుకు ఊపిరి హిట్ ను ఎంజాయ్ చేస్తుంది అంటే.. ఊపిరి నిర్మాతే బ్రహ్మోత్సవం నిర్మాత కాబట్టి.

అయితే అదో కారణం అయినా ఎలాంటి మాస్ మసాలాలు లేకుండానే ఊపిరి సినిమాతో హిట్ కొట్టిన నాగ్, కార్తిల సినిమాతో తమ సినిమా పోల్చుకుంటున్నారు బ్రహ్మోత్సవం టీం. శ్రీకాంత్ అడ్డాల దర్శకత్వంలో వస్తున్న ఈ సినిమా మూడు కుటుంబాలకు సంబంధించిన కథాంశంగా పక్కా ఫ్యామిలీ ఎంటర్టైనర్ గా వస్తుంది. ఇందులో కూడా మాస్ ఎలిమెంట్స్ అనేవి చాలా తక్కువగా ఉండే అవకాశం ఉంది. అందుకే ఊపిరి లాంటి ప్రయోగాత్మక సినిమాను ఆదరించిన తెలుగు, తమిళ ప్రేక్షకులు బ్రహ్మోత్సవం సినిమాను కూడా హిట్ చేస్తారని నమ్ముతున్నారు. అయితే ఎవరికో ఏమో కాని మహేష్ కి ఈ నమ్మకం బలంగా ఉందట. అందుకే ఊపిరి హిట్ తో జోష్ లో ఉన్న నాగార్జునతో మహేష్ 20 నిమిషాల పాటు మాట్లాడటం జరిగింది. సో ఊపిరి హిట్ బ్రహ్మోత్సవంలో కూడా ఓ ఉత్సాహాన్ని నింపిందని ఫిల్మ్ నగర్ లో వార్త హల చల్ చేస్తుంది.