ప‌వ‌న్ కల్యాణ్, సాయిధ‌ర‌మ్ తేజ్ హీరోలుగా `బ్రో` సినిమా రూపుదిద్దుకొంటున్న సంగతి తెలిసిందే. స‌ముద్ర‌ఖ‌ని ద‌ర్శ‌కుడు. గోపాలా – గోపాల లాంటి క్లాస్ మూవీ ఇది. ఓ దేవుడికీ, మామూలు మ‌నిషికీ జ‌రిగే క‌థ ఇది. త‌మిళ మాతృక వినోదయ సీత‌మ్ చూసిన వాళ్లకు.. ఈ క‌థ‌లో మాస్ ల‌క్ష‌ణాలేం క‌నిపించ‌వు.కాక‌పోతే.. ప‌వ‌న్ కల్యాణ్ ఇమేజ్‌నీ, త‌న స్టామినానీ, ఫ్యాన్స్ ఆలోచ‌ల్నీ దృష్టిలో ఉంచుకొని ఈ సినిమాలో మాస్ అంశాల్ని బాగా మేళ‌వించార‌ని తెలుస్తోంది. ఈ చిత్రానికి త్రివిక్ర‌మ్ స్క్రీన్ ప్లే, సంభాష‌ణ‌ల్ని అందిస్తున్నారు. ఆయ‌న‌కు ప‌వ‌న్ శైలి ఏంటో బాగా తెలుసు. ఆయ‌న అభిమానుల‌కు ఏం ఇవ్వాలో కూడా తెలుసు. అందుకే ఈ క‌థ‌లో ఆయ‌న ప‌వ‌న్‌కి త‌గ్గ‌ట్టుగా కీల‌క మార్పులు చేశారు. అవ‌న్నీ ప‌వ‌న్ ఫ్యాన్స్‌కి పండ‌గ‌లా ఉండ‌బోతున్నాయ‌ట.
దానికి త‌గ్గ‌ట్టుగానే ఇప్పుడు టీజ‌ర్ అప్ డేట్ కోసం కొత్త పోస్ట‌ర్ వ‌చ్చింది. ఈ పోస్ట‌ర్‌లో.. ప‌వ‌న్ ‘త‌మ్ముడు’ లో వేసిన కూలీ గెట‌ప్ లో క‌నిపించాడు. సాయిధ‌ర‌మ్ కూడా ప‌వ‌న్‌ని అనుస‌రిస్తూ.. అదే గెట‌ప్ వేసుకొన్నాడు. ఈ స్టిల్ చూస్తే.. బ్రో క‌థ‌లో ఇంత మాస్ ఉందా? అనిపిస్తుంది. జులై 28న ఈ చిత్రాన్ని ప్రేక్ష‌కుల ముందుకు వ‌స్తోంది. త‌మ‌న్ సంగీతాన్ని స‌మ‌కూరుస్తున్నాడు.
