జ‌గ‌ప‌తి బాబు సుడి అలా ఇలా తిరగ‌డం లేదు. ఎప్పుడైతే విల‌న్‌గా మారాడో… అప్ప‌టి నుంచీ ఆయ‌న అదృష్టం.. హైవే ఎక్కేసి ప‌రుగులు తీస్తోంది. హీరోగా చేసిన‌ప్పుడు ప‌ట్టుమ‌ని ఇర‌వై ల‌క్ష‌లు ఇవ్వ‌డానికి మొహ‌మాట‌ప‌డిపోయేవారు. ఇప్పుడు కోట్లు గుమ్మ‌రిస్తున్నారు. లెజెండ్‌, శ్రీ‌మంతుడు సినిమాల‌కు గానూ భారీ పారితోషికం అందుకొన్నాడు జ‌గ‌ప‌తి. నాన్న‌కు ప్రేమ‌తో సినిమాకీ.. జ‌గ‌ప‌తి కోరినంత ఇచ్చారు నిర్మాత‌లు. అయితే… ఇప్పుడు జ‌గ‌ప‌తిబాబుకి త‌నే ఊహించ‌నంత భారీ ఆఫ‌ర్ అందింది. ఏకంగా కోటిన్న‌ర పారితోషికం ఇవ్వ‌డానికి త‌మిళ నిర్మాత‌లు ముందుకొచ్చారు.
విజ‌య్ క‌థానాయ‌కుడిగా తుప్పారివార‌న్ అనే చిత్రం తెర‌కెక్కుతోంది. ఈ సినిమాలో జ‌గ‌ప‌తికి విల‌న్ పాత్ర ద‌క్కింద‌ని స‌మాచారం. కాల్షీట్లు భారీగా కావ‌ల్సిరావ‌డంతో.. దానికి త‌గ్గ‌ట్టే పారితోషికం ఇవ్వ‌డానికి నిర్మాత‌లు సిద్ద‌మ‌య్యార‌ట. జ‌గ‌ప‌తి బాబు ఉంటే.. ఆసినిమాకి తెలుగులోనూ మంచి బిజినెస్ జ‌రుగుతుంద‌ని నిర్మాత‌ల న‌మ్మ‌కం. అందుకే కోటిన్న‌ర పారితోషికం ఆఫ‌ర్ చేశార‌ట. ఇంత పారితోషికం ఊహించ‌ని జ‌గ‌ప‌తి.. మ‌రో ఆలోచ‌న లేకుండా ఈ సినిమాకి ఓకే చెప్పేశాడ‌ని తెలుస్తోంది. మొత్తానికి జ‌గ‌ప‌తిబాబు టైమ్ బాగుందిప్పుడు. కోరుకోకుండానే కోట్లు వ‌చ్చిప‌డుతున్నాయి.
