రేపు `అల వైకుంఠ‌పుర‌ములో` నుంచి మ‌రో పాట రాబోతోంది. `ఓ మైగాడ్ డాడీ.. డాడీ` అంటూ సాగే ఈ గీతం.. ర్యాప్ త‌ర‌హాలో ఉంటుంది. ఈ పాట‌లో అల్లు అర్జున్ కుమారుడు అయాన్‌తో పాటు, కుమార్తె అర్హ కూడా క‌నిపించ‌నున్నారు. అయితే ఇదంతా మేకింగ్ వీడియోలోనే. సినిమాలో మాత్రం వీళ్లు ఉండ‌రు. కాక‌పోతే… ఈ మేకింగ్ వీడియోలో అయాన్‌, అర్హ‌లే ప్ర‌ధాన ఆక‌ర్ష‌ణ‌. అయాన్ అయితే… ఈ పాట‌ని హమ్ చేస్తూ… స్టెప్పులు కూడా వేశాడ‌ట‌. బ‌న్నీ ఫ్యాన్స్‌కి ఇంత‌కంటే స‌ర్‌ప్రైజింగ్ న్యూస్ ఏముంటుంది..? ఈ సినిమా నుంచి వ‌చ్చిన రెండు పాట‌లూ బాగా పాపుల‌ర్ అయ్యాయి. యూ ట్యూబ్‌లో రికార్డులు సృష్టించాయి. ఈ పాట వాటిని మించి ఉండ‌బోతోంద‌ని చిత్ర బృందం ధీమాగా ఉంది. హీరోగారి అబ్బాయి స్టెప్పులేస్తే… ఆ పాట అద‌రకుండా ఎలా ఉంటుంది..? మొత్తానికి అల వైకుంఠ‌పుర‌ములో ప‌బ్లిసిటీ పీక్స్‌లో న‌డుస్తోంది. సినిమా విడుద‌ల‌య్యేలోపు ఇంకెన్ని వింత‌లూ, విశేషాలూ బ‌య‌ట‌కు తీసుకొస్తారో చూడాలి.